കോഴിക്കോട്: റഷ്യന് യുവതി പരിക്കേറ്റ് ചികിത്സ തേടിയ സംഭവത്തില് റഷ്യന് യുവതിയുടെ ആണ്സുഹൃത്തിനെതിരെ പോലീസ് കേസെടുത്തു. കൂരാച്ചുണ്ട് പോലീസാണ് കേസെടുത്തത്. ലൈംഗിക പീഡനം, അന്യായമായി തടവില് പാര്പ്പിക്കല്, മര്ദ്ദനം തുടങ്ങിയ വകുപ്പുകള് ചുമത്തിയാണ് കേസെടുത്തിരിക്കുന്നത്. അതേസമയം പ്രതിയെ ഇതുവരെ കണ്ടെത്താനായിട്ടില്ല. സാമൂഹിക മാധ്യമത്തിലൂടെ പരിചയപ്പെട്ട മലയാളി യുവാവിനെ തേടി മൂന്നുമാസം മുമ്പാണ് റഷ്യന് യുവതി കൂരാച്ചുണ്ടിലെത്തിയത്.
യുവതി കെട്ടിടത്തില്നിന്ന് ചാടി ആത്മഹത്യയ്ക്ക് ശ്രമിക്കുകയായിരുന്നു. നിലവില് യുവതി കോഴിക്കോട് മെഡിക്കല് കോളേജില് ചികിത്സയില് കഴിയുകയാണ്. യുവതി അപകടനില തരണംചെയ്തതായി ഡോക്ടര്മാര് അറിയിച്ചു. സംഭവത്തില് വനിത കമ്മീഷന് സ്വമേധയാ കേസെടുത്തു.