ന്യൂഡല്ഹി: പ്രതിഷേധത്തിനിടെ തന്നെ ബിജെപി എംപിമാര് കയ്യേറ്റം ചെയ്തെന്ന് രമ്യ ഹരിദാസിന്റെ പരാതി.
ലോക്സഭയില് ബിജെപി-കോണ്ഗ്രസ് അംഗങ്ങള് തമ്മില് ഉന്തും തള്ളുമുണ്ടായി. ഡല്ഹി കലാപത്തിന്റെ പശ്ചാത്തലത്തില് കോണ്ഗ്രസ് അംഗങ്ങള് പ്രതിഷേധിച്ചപ്പോള് ബിജെപി എംപിമാര് എതിര്പ്പുമായി രംഗത്തെത്തി.
കേന്ദ്രമന്ത്രി അമിത് ഷായുടെ രാജി ആവശ്യപ്പെട്ടായിരുന്നു കോണ്ഗ്രസ് എംപിമാരുടെ പ്രതിഷേധം. ഇതിനിടെ ബിജെപി എംപിമാര് തന്നെ കൈയ്യേറ്റം ചെയ്തെന്ന് കോണ്ഗ്രസ് എംപി രമ്യ ഹരിദാസ് ആരോപിച്ചു. ബിജെപി എംപി ജസ്കൗര് മീണ, ശോഭ കരന്തലജെ എന്നിവരുടെ നേതൃത്വത്തില് തന്നെ കൈയ്യേറ്റം ചെയ്തെന്നാണ് രമ്യ ഹരിദാസിന്റെ ആരോപണം. ഇക്കാര്യത്തില് രമ്യ ഹരിദാസ് സ്പീക്കര്ക്ക് രേഖാമൂലം പരാതി നല്കുകയും സ്പീക്കറുടെ മുന്നില് പൊട്ടിക്കരയുകയും ചെയ്തു.
ഉച്ചയ്ക്ക് രണ്ട് മണിക്ക് സഭ വീണ്ടും സമ്മേളിച്ചപ്പോഴാണ് നാടകീയ രംഗങ്ങള് അരങ്ങേറിയത്. പ്രതിഷേധവുമായി നടുത്തളത്തിലിറങ്ങിയ കോണ്ഗ്രസ് അംഗങ്ങള്ക്കെതിരെ ബിജെപി എംപിമാരും പ്രതിഷേധിച്ചു.
