ആലപ്പുഴ : ഒബിസി മോര്‍ച്ച സംസ്ഥാന സെക്രട്ടറി അഡ്വ. രഞ്ജിത്ത് ശ്രീനിവാസനെ വെട്ടിക്കൊന്ന കേസില്‍ ഒരാള്‍ കൂടി പിടിയില്‍. സൂത്രധാരന്മാരില്‍ ഒരാളായ എസ്‌ഡിപിഐ ആലപ്പുഴ നഗരസഭാ ഏരിയാ പ്രസിഡന്റ്‌ നൂറുദ്ദീന്‍ പുരയിടത്തില്‍ ഷെര്‍നാസിനെയാണ് (39) പ്രത്യേക അന്വേഷണ സംഘം പിടികൂടിയത്. പ്രതിയെ ചൊവ്വാഴ്‌ച കോടതിയില്‍ ഹാജരാക്കും. ഇതോടെ കേസില്‍ പിടിയിലാവരുടെ എണ്ണം 19 ആയി.
കുറ്റകൃത്യത്തില്‍ നേരിട്ട് പങ്കാളികളായ പ്രതികള്‍ ഒളിപ്പിച്ച ആയുധം കഴിഞ്ഞദിവസം പോലീസ് കണ്ടെത്തിയിരുന്നു. ആലപ്പുഴ ഇരവുകാട് ഭാഗത്തെ പറമ്ബില്‍നിന്നും സമീപത്തെ തോട്ടില്‍നിന്നുമാണ് രണ്ടു വടിവാളുകള്‍ കണ്ടെത്തിയത്. കേസിനെ പ്രതികൂലമായി ബാധിക്കുമെന്നതിനാല്‍ നേരത്തെ അറസ്റ്റിലായ മുഖ്യസൂത്രധാരനടക്കമുള്ള ആറു പ്രതികളുടെ പേരുവിവരങ്ങള്‍ പോലീസ് പുറത്തുവിട്ടിട്ടില്ല.
