തിരുവനന്തപുരം : അളവില് കൂടുതല് മദ്യം സൂക്ഷിച്ച കേസില് റിപ്പോര്ട്ടര് ചാനല് മാനേജിങ് എഡിറ്റര് ആന്റോ അഗസ്റ്റിനെ അറസ്റ്റ് ചെയ്തതുമായി ബന്ധപ്പെട്ട് പ്രതികരണവുമായി എക്സൈസ് മന്ത്രി എം ലിജു. നിയമാനുസൃത നടപടികളാണ് സ്വീകരിച്ചതെന്ന് മന്ത്രി പറഞ്ഞു. ആരെയും ഉപദ്രവിക്കാനോ പ്രത്യേകിച്ച് സഹായിക്കാനോ അല്ല, നിയമം നിയമത്തിന്റെ വഴിക്ക് പോയി എന്നാണ് തനിക്ക് മനസിലാക്കാന് സാധിച്ചതെന്ന് അദ്ദേഹം പറഞ്ഞു. എക്സൈസ് വകുപ്പിന് എന്തുകൊണ്ടാണ് ഇടപെടേണ്ട സാഹചര്യമുണ്ടായത്? എക്സൈസ് വകുപ്പ് കുറ്റകൃത്യമാണെന്ന് നിര്വചിച്ചിട്ടുള്ള കാര്യങ്ങള് നടന്നതുകൊണ്ടാണത്. അത് മാധ്യമസ്വാതന്ത്ര്യത്തിന് മേലുള്ള കടന്നുകയറ്റമൊന്നുമല്ല.
വകുപ്പ് മന്ത്രിയുടെ ഉത്തരവാദിത്തം പോളിസി മേക്കിംഗ് ആണ്. എന്തെങ്കിലും തരത്തിലുള്ള തെറ്റുകള് ഉയര്ന്നു വന്നുകഴിഞ്ഞാല് അപ്പോള് മാത്രമാണ് അന്വേഷണത്തില് പോലും ഇടപെടുന്നത്. അല്ലാതെ ഇടപെടേണ്ട കാര്യമേയില്ല – അദ്ദേഹം പറഞ്ഞു. എക്സൈസ് വകുപ്പിനോ വകുപ്പ് മന്ത്രി എന്ന നിലയില് തനിക്കോ സര്ക്കാരിനോ വ്യക്തിപരമായി ആരോടും വൈരാഗ്യമില്ലെന്നും അദ്ദേഹം പറഞ്ഞു.
