ചുങ്കപ്പാറ : പത്തനംതിട്ട ജില്ലയിലെ കോട്ടാങ്ങൽ പഞ്ചായത്തിനെയും കോട്ടയം ജില്ലയിലെ വെള്ളാവൂർ പഞ്ചായത്തിനെയും ബന്ധിപ്പിച്ച് മണിമലയാറിന് കുറുകെ ചിറക്കൽപാറയിൽ പുതിയ പാലത്തിനായുള്ള പ്രദേശവാസികളുടെ കാത്തിരിപ്പ് നീളുന്നു. പാലം നിർമിക്കാൻ ഭരണാനുമതി ലഭിച്ചിട്ടും നിർമാണപ്രവൃത്തികൾ ആരംഭിക്കാൻ വൈകുകയാണ്. 76 മീറ്റർ നീളത്തിലും 11 മീറ്റർ വീതിയിലുമുള്ള പാലത്തിൽ 7.5 മീറ്റർ വീതിയിലാണ് ടാറിങ്. ഇരുവശങ്ങളിലും 1.5 മീറ്റർ വീതം വീതിയിൽ നടപ്പാതയുമടക്കം 20.22 കോടി രൂപയുടെ നിർമാണത്തിനാണ് അനുമതി ലഭിച്ചത്.
2022 ൽ പാലം നിർമാണത്തിന് സംസ്ഥാന ബജറ്റിൽ 13 കോടി രൂപ അനുവദിച്ചിരുന്നു. ആ വർഷം ജൂണിൽ ആറ്റിലും ഇരുകരകളിലുമായി മണ്ണുപരിശോധനയും പൂർത്തിയായിരുന്നു. പുതിയപാലം യാഥാർഥ്യമായാൽ മേഖലയിലെ വിദ്യാർഥികളുടെയും തൊഴിലാളികളുടെയും യാത്രാക്ലേശത്തിന് പരിഹാരമാകും. കോട്ടാങ്ങൽ, ചുങ്കപ്പാറ, പൊന്തൻപുഴ പ്രദേശങ്ങളിലെ ജനങ്ങൾക്ക് താഴത്തുവടകര, വെള്ളാവൂർ, പത്തനാട്, കങ്ങഴ എന്നിവിടങ്ങളിലേക്ക് ചുരുങ്ങിയ ദൂരത്തിൽ ഈ പാലം പൂർത്തിയായാൽ എത്താനാകും. പ്രദേശവാസികളുടെ നീണ്ടകാലത്തെ കാത്തിരിപ്പിനൊടുവിലാണ് പാലത്തിന് ഫണ്ടും ഭരണാനുമതിയും ലഭിച്ചത്.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
