ഡല്‍ഹി: സര്‍വ്വകലാശാലകള്‍ അന്യായമായ മാര്‍ഗങ്ങളിലൂടെ ‘ചോദ്യം ചെയ്യാവുന്ന ഗ്രേഡുകള്‍’ നേടുന്നുവെന്ന് യൂണിവേഴ്‌സിറ്റി ഗ്രാന്റ്‌സ് കമ്മീഷന് (യുജിസി) അയച്ച കത്തില്‍ ആരോപിച്ച്‌ ദിവസങ്ങള്‍ക്ക് ശേഷം നാഷണല്‍ അസസ്മെന്റ് ആന്‍ഡ് അക്രഡിറ്റേഷന്‍ കൗണ്‍സില്‍ ചെയര്‍പേഴ്‌സണ്‍ ഭൂഷണ്‍ പട്വര്ധന് ഞായറാഴ്ച രാജി സമര്‍പ്പിച്ചു. അക്രഡിറ്റേഷന്‍ പ്രക്രിയകളെക്കുറിച്ച്‌ പട്വര്ധന് ആദ്യം ചോദ്യങ്ങള്‍ ഉന്നയിക്കുകയും ഫെബ്രുവരി 26 ന് രാജിവയ്ക്കാന്‍ ആഗ്രഹം പ്രകടിപ്പിക്കുകയും ചെയ്തു, തുടര്‍ന്ന് യുജിസി ചെയര്‍മാന്‍ എം ജഗദേഷ് കുമാര്‍ മാര്‍ച്ച്‌ 3 ന് മുന്‍ എഐസിടിഇ ചെയര്‍പേഴ്‌സണ്‍ അനില്‍ സഹസ്രബുദ്ധെയെ ആ സ്ഥാനത്തേക്ക് നിയമിച്ചു.
അക്രഡിറ്റേഷന്റെ ഭാഗമായി ഉന്നത വിദ്യാഭ്യാസ സ്ഥാപനങ്ങളെ ഗ്രേഡിംഗുകളോടെ വിലയിരുത്തുകയും സാക്ഷ്യപ്പെടുത്തുകയും ചെയ്യുന്ന യുജിസിയുടെ കീഴിലുള്ള സ്വയംഭരണ സ്ഥാപനമാണ് നാക്.ഞായറാഴ്ച കുമാറിന് നല്‍കിയ രാജിക്കത്തില്‍ പട്വര്ധന് ”ഈ വിഷയത്തില്‍ തനിക്ക് വ്യക്തിപരമായി താല്‍പര്യമില്ല” എന്നും 2022 ഫെബ്രുവരിയില്‍ താന്‍ നിയമിതനായ പദവിയുടെ ”വിശുദ്ധി സംരക്ഷിക്കാന്‍” ലക്ഷ്യമിടുന്നതായും എഴുതി.
നാഷനല്‍ അസസ്മെന്റ് ആന്‍ഡ് അക്രഡിറ്റേഷന്‍ കൗണ്‍സിലിന്റെ പുതിയ ചെയര്‍മാനായി അനില്‍ സഹസ്രബുദ്ധയെ നിയമിക്കാനുള്ള തീരുമാനത്തില്‍ അന്വേഷണം ആവശ്യപ്പെട്ട് പട്വര്ധന് യുജിസിക്കു കത്തെഴുതിയിരുന്നു. നാഷനല്‍ എജ്യുക്കേഷനല്‍ ടെക്നോളജി ഫോറം ചെയര്‍മാനും എഐസിടിഇ മുന്‍ അധ്യക്ഷനുമാണു സഹസ്രബുദ്ധ.
നാക്കിന്റെ ചെയര്‍മാനായി ഭൂഷന്‍ പട്‌വര്‍ധനെ കഴിഞ്ഞ വര്‍ഷം ഫെബ്രുവരിയിലാണു നിയമിച്ചത്. പല സ്ഥാപനങ്ങള്‍ക്കും ഉയര്‍ന്ന ഗ്രേഡ് അനുവദിക്കുന്നതില്‍ തിരിമറിയുണ്ടെന്നുള്‍പ്പെടെയുള്ള ആരോപണങ്ങളുമായി കഴിഞ്ഞ മാസം 26ന് അദ്ദേഹം യുജിസിയെ ബന്ധപ്പെട്ടിരുന്നു. പദവിയില്‍ നിന്നു രാജിവയ്ക്കാന്‍ സന്നദ്ധതയും അദ്ദേഹം അറിയിച്ചു. ഈ മാസം 3നു പ്രൊഫ. അനില്‍ സഹസ്രബുദ്ധയെ നാക് അധ്യക്ഷനായി യുജിസി ചെയര്‍മാന്‍ എം. ജഗദേഷ് കുമാര്‍ നാമനിര്‍ദേശം ചെയ്യുകയായിരുന്നു. പട്‌വര്‍ധനെ അറിയിക്കാതെയായിരുന്നു പുതിയ നിയമനം. ഇതിനു പിന്നാലെയാണ് അദ്ദേഹം രംഗത്തിറങ്ങിയത്.
ന്യുസ് ചാനലില്‍ ബിസിനസ് ഡെവലപ്മെന്റ് മാനേജരുടെ ഒഴിവുകള്‍
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില്‍ കമ്മീഷനും ലഭിക്കും. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
