പാലക്കാട് : സ്ത്രീകളെ ആക്രമിച്ച് സ്വര്ണാഭരണങ്ങള് കവര്ന്നെടുക്കുന്ന കുപ്രസിദ്ധ ക്രമിനല് റിപ്പര് സുരേന്ദ്രന് പിടിയില്.
ആലത്തൂരില് വീട്ടില് കയറി സ്ത്രീയെ ആക്രമിച്ച് കവര്ച്ച നടത്താന് ശ്രമിച്ചപ്പോഴാണ് ഇയാള് പിടിയിലായത്. രണ്ടര പവന്റെ സ്വര്ണമാല പൊട്ടിച്ച് ഓടുമ്പോള് നാട്ടുകാര് പിടികൂടുകയായിരുന്നു. 2007 ല് പൊറത്തിശേരി സ്വദേശി 80 വയസുള്ള മറിയയെ കൊലപ്പെടുത്തി 11 പവന് കവര്ന്ന കേസിലടക്കം ഇയാള് ശിക്ഷിക്കപ്പെട്ടിട്ടുണ്ട്. അന്തിക്കാട്, കാട്ടൂര്, ഇരിങ്ങാലക്കുട എന്നീ പോലീസ് സ്റ്റേഷനുകളിലെ നിരവധി കേസുകളിലും ഇയാള് പ്രതിയാണ്. തലയ്ക്കടിച്ച് ആക്രമിച്ച് മോഷണം നടത്തുന്ന രീതി പിന്തുടരുന്നതിനാലാണ് ഇയാള്ക്ക് റിപ്പര് സുരേന്ദ്രന് എന്ന വിളിപ്പേര് വന്നത്.
