കൊച്ചി : കേരള – തമിഴ്നാട് സഞ്ചാര പാതയായ നാടുകാണി ചുരത്തില് മരങ്ങള് വീണ് ഗതാഗതം മുടങ്ങി. കേരളത്തിലേയ്ക്കു പച്ചക്കറി ഉള്പ്പെടെയുള്ള ഭക്ഷ്യവസ്തുക്കളുമായെത്തിയ നിരവധി വാഹനങ്ങള് കുടുങ്ങിക്കിടക്കുന്നു. ചുരത്തിലെ തേന്പാറ, പോത്തുംകുഴി തുടങ്ങിയ സ്ഥലങ്ങളില് ഇന്ന് പുലര്ച്ചെയാണ് മരങ്ങള് കടപുഴകി വീണത്. മഴ ശക്തിപ്പെട്ടാല് ഇനിയും വിവിധയിടങ്ങളില് മണ്ണിടിച്ചിലിനും അപകടങ്ങള്ക്കും സാധ്യതയുണ്ടെന്ന് അധികൃതര് പറയുന്നു. നിലമ്പൂരില് നിന്ന് അഗ്നി സുരക്ഷ സേനയെത്തി മരങ്ങള് മുറിച്ചു മാറ്റാന് തുടങ്ങിയെങ്കിലും 2 മണിക്കൂര് കഴിഞ്ഞിട്ടും പൂര്ണമായി നീക്കം ചെയ്യാന് സാധിച്ചിട്ടില്ല. ഇതിനിടയില് സഹായത്തിനായി ട്രൊമ കെയറും സന്നദ്ധ സംഘടനകളും എത്തിയിട്ടുണ്ട്.
നാടുകാണി ചുരത്തില് മരങ്ങള് വീണ് ഗതാഗതം മുടങ്ങി ; നിരവധി വാഹനങ്ങള് കുടുങ്ങികിടക്കുന്നു
RECENT NEWS
Advertisment