റോഡിലെ കുഴിയെണ്ണം എടുക്കാനിറങ്ങിയ പോലീസ് അവസാനം കുഴിയടച്ച് മടങ്ങി

റാന്നി: പൊതു മരാമത്തു വകുപ്പ് റോഡിലെ കുഴിയെണ്ണം എടുക്കാനിറങ്ങിയ പോലീസ് അവസാനം പാറമക്ക് എത്തിച്ച് കുഴി അടച്ചു തുടങ്ങി. റാന്നി ബൈപ്പാസ് ജംഗ്ഷന് സമീപം കണ്ടനാട്ടുപടിയിലെ കുഴികൾ അടച്ചാണ് റാന്നി പോലീസ് മാതൃക കാട്ടിയത്. ഇവിടുത്തെ കുഴികള്‍ മൂലം ഗതാഗത കുരുക്കും ഇരുചക്രവാഹനങ്ങൾ അപകടത്തിൽ പെടുന്നുവെന്ന പരാതിയും ഏറിയതോടെയാണ് റാന്നി എസ്.ഐ. ശ്രീജിത്ത് ജനാർദ്ധനൻ്റെ നേതൃത്വത്തിൽ റോഡിലെ കുഴികളിൽ പാറമക്ക് ഇറക്കി അടച്ചത്. സി.പി.ഒ.മാരായ ഉണ്ണികൃഷ്ണനും, ഷിൻ്റോയും എസ്.ഐയ്ക്ക് ഒപ്പം ചേർന്നു.