ചാവക്കാട് : വീട് കുത്തിത്തുറന്ന് മോഷണം തെങ്കാശി സ്വദേശി അറസ്റ്റിൽ. തേക്കന്ഞ്ചേരിയില് വീട്ടിനകത്തു നിന്ന് മോഷ്ടാവിനെ പിടികൂടി. കവര്ച്ചാശ്രമത്തിനിടെ ബഹളം കേട്ടുണര്ന്ന വീട്ടുകാര് ശബ്ദം ഉണ്ടാക്കിയതോടെയാണ് നാട്ടുകാര് ഓടിയെത്തിയത്. തമിഴ്നാട് തെങ്കാശി സ്വദേശി സേതുവിനെയാണ് (34) നാട്ടുകാരുടെ സഹായത്തോടെ ചാവക്കാട് പോലീസ് പിടികൂടിയത്.
തെക്കഞ്ചേരി അറയ്ക്കല് ഉമ്മറിന്റെ മകന് കബീറിന്റെ വീട്ടിലാണ് മോഷണ ശ്രമം നടന്നത്. വീടിന്റെ പുറകുവശത്തെ വാതില് പൊളിച്ചാണ് മോഷ്ടാവ് അകത്തു കയറിയത്. ഇയാള് നിരവധി മോഷണ കേസില് പ്രതിയാണെന്ന് പോലീസ് പറഞ്ഞു. എസ്.ഐ. കെ. ഉമേഷ്, എ.എസ്.ഐമാരായ ബാബു, ശ്രീരാജ്, വനിത സി.പി.ഒ ഗീത, സി.പി.ഒ മാരായ , ബിബിന്, ബിനീഷ്, പ്രദീപ്, എന്നിവരാണ് പ്രതിയെ പിടികൂടിയത്.
