പന്തളം : കട കുത്തിത്തുറന്നു മൂന്നര ക്വിന്റല് റബ്ബര്ഷീറ്റ് മോഷ്ടിച്ചു. എം.സി റോഡില് പറന്തല് കതോലിക്കാ പള്ളിക്കെതിര്വശത്തുള്ള തടത്തില് ഷിബു ഫിലിപ്പിന്റെ തടത്തില് റബ്ബര് സ്റ്റോഴ്സിലാണ് മോഷണം നടന്നത്. ഷട്ടറിന്റെ പൂട്ടു പൊളിച്ച് അകത്തു കയറിയാണു മോഷണം നടത്തിയത്.
കഴിഞ്ഞ അഞ്ചിനും ഇവിടെ മോഷണം നടന്നിരുന്നു. അന്നു കടയുടെ വശത്തുള്ള കതകുപൊളിച്ച് അകത്തുകയറി 800 കിലോ ഷീറ്റും 200 കിലോ ഒട്ടു പാലും മോഷ്ടിച്ചിരുന്നു. സമീപമുള്ള ദിനേശിന്റെ വീട്ടില് സ്ഥാപിച്ചിരുന്ന സിസിടിവി ക്യാമറ മോഷ്ടിച്ചതിനു ശേഷമാണ് അന്നു മോഷണം നടന്നത്. പന്തളം പോലീസ് കേസെടുത്ത് അന്വേഷണം ആരംഭിച്ചു. ഡോഗ് സ്ക്വാഡും വിരലടയാള വിദഗ്ദ്ധരും സ്ഥലത്തെത്തി തെളിവുകള് ശേഖരിച്ചു.