തിരുവനന്തപുരം: നടി കീര്ത്തി സുരേഷിന്റെ വിവാഹ വാര്ത്തകളില് പ്രതികരിച്ച് കീര്ത്തിയുടെ അച്ഛനും നിര്മാതാവുമായ സുരേഷ് കുമാര്. കീര്ത്തി സുരേഷ് പ്രണയത്തിലാണെന്നും വിവാഹം ഉടന് ഉണ്ടാകുമെന്ന തരത്തിലുമാണ് വാര്ത്തകള് പ്രചരിച്ചത്. ഫര്ഹാന് എന്ന യുവാവുമായി നടി പ്രണയത്തിലാണെന്നായിരുന്നു വാര്ത്തകള്. ഇത്തരം വാര്ത്തകളെല്ലാം വ്യാജമാണെന്നാണ് സുരേഷ് കുമാര് വ്യക്തമാക്കിയത്.
തനിക്ക് അറിയാവുന്ന പയ്യനാണ് ഫര്ഹാന് എന്നും കീര്ത്തിയുടെ നല്ല സുഹൃത്താണ് അദ്ദേഹമെന്നും സുരേഷ് കുമാര് പറയുന്നു. ഫര്ഹാന്റെ പിറന്നാള് ദിവസം കീര്ത്തി പോസ്റ്റ് ചെയ്ത ചിത്രം ഏതോ ഒരു ഓണ്ലൈന് തമിഴ് മാസിക വാര്ത്തയാക്കുകയും അത് മറ്റുള്ളവര് ഏറ്റുപിടിക്കുകയുമായിരുന്നു. നിരവധി പേരാണ് ഇക്കാര്യം ചോദിച്ച് തന്നെ വിളിക്കുന്നത്. മര്യാദയ്ക്ക് ജീവിക്കുന്നവരെ കൂടി വിഷമിക്കുന്ന കാര്യമാണിത്. തനിക്കും അറിയാവുന്ന പയ്യനാണത്. അവനും കുടുംബമില്ലേ? അവനും മുന്നോട്ട് ജീവിതമില്ലേ? ഇത് മോശം പ്രവണതയാണ്. കീര്ത്തിയുടെ വിവാഹം വന്നാല് അക്കാര്യം ആദ്യം അറിയിക്കുന്നത് താനായിരിക്കും. അടിസ്ഥാനരഹിതമായ ഇത്തരം വാര്ത്തകള് പ്രചരിപ്പിക്കരുത്. പല സുഹൃത്തുക്കളും വിളിച്ച് അന്വേഷിക്കുന്നതിനാലാണ് വീഡിയോ പങ്കുവെക്കുന്നതെന്നും സുരേഷ് കുമാര് വ്യക്തമാക്കി.
