പത്തനംതിട്ട : ശബരിമല വിമാനത്താവളം എന്ന നിര്‍ദ്ദേശത്തിന് കേരളത്തിന് തിരിച്ചടി. ഡിജിസിഎ കേന്ദ്ര വ്യോമയാന മന്ത്രാലയത്തിന് കേരളത്തിന്റെ നിര്‍ദ്ദേശത്തെ എതിര്‍ത്ത് റിപ്പോര്‍ട്ട് നല്‍കി. റിപ്പോര്‍ട്ടില്‍ പറയുന്നത് വിമാനത്താവളത്തിന് കണ്ടെത്തിയ സ്ഥലം പ്രയോഗികമല്ലെന്നാണ്.
ചെറുവള്ളി എസ്റ്റേറ്റില്‍ ചട്ടം അനുസരിച്ചുള്ള റണ്‍വേ തയ്യാറാക്കാന്‍ കഴിയില്ലെന്നും കേന്ദ്രത്തിന് കേരളം വിമാനത്താവളത്തിന് വേണ്ടി തയ്യാറാക്കിയ റിപ്പോര്‍ട്ട് വിശ്വസനീയമല്ലെന്നും ഡിജിസിഎ റിപ്പോര്‍ട്ടില്‍ പറയുന്നു.
കേന്ദ്രവ്യോമയാന മന്ത്രാലയത്തിന് ഡിജിസിഎ റിപ്പോര്‍ട്ട് നല്‍കിയത് കേരളത്തിന്റെ റിപ്പോര്‍ട്ട് അടക്കം പരിശോധിച്ച ശേഷമാണ്. മംഗലാപുരത്തിനും കോഴിക്കോടിനും സമാനമായ സാഹചര്യങ്ങളാണ് ഇവിടെയും ഉള്ളതെന്നും വിമാനത്താവളം ചെറുവള്ളിയിലെ രണ്ടു ഗ്രാമങ്ങളെ ബാധിക്കുമെന്നും റിപ്പോര്‍ട്ടിലുണ്ട്.
