കൊടുമൺ : ശബരിമല വിമാനത്താവളത്തിനായി ചെറുവള്ളി എസ്റ്റേറ്റ് ഏറ്റെടുക്കാനുള്ള വിജ്ഞാപനം പിൻവലിക്കുകയും പുതിയ ഏജൻസിയെക്കൊണ്ട് സാമൂഹികാഘാത പഠനം നടത്തുകയും ചെയ്യുന്ന സാഹചര്യത്തിൽ സർക്കാർ സ്ഥലമായ കൊടുമൺ പ്ലാന്റേഷൻ മേഖലകൂടി പഠനവിധേയമാക്കണമെന്ന് വിമാനത്താവള ആക്‌ഷൻ കമ്മിറ്റി ആവശ്യപ്പെട്ടു. ഇത്തരത്തിലുള്ള നീക്കം സർക്കാർ ഹൈക്കോടതിയെ അറിയിച്ച സാഹചര്യത്തിൽ പദ്ധതിയുടെ പ്രവർത്തനം ഇനിയും നീളാനാണ് സാധ്യത. ആ സാഹചര്യത്തിൽ പദ്ധതിക്ക് പ്രശ്നങ്ങളൊന്നും അഭിമുഖീകരിക്കേണ്ടി വരാത്ത പ്ലാന്റേഷൻ എസ്റ്റേറ്റിൽ കൂടി സാമൂഹികഘാത പഠനം നടത്താൻ സർക്കാർ തയാറാകണമെന്ന് യോഗം ആവശ്യപ്പെട്ടു. ഈ ആവശ്യം ഉന്നയിച്ചുകൊണ്ട് ജില്ലയിലെ മുഴുവൻ ജനപ്രതിനിധികളും ഒപ്പിട്ട നിവേദനം മുഖ്യമന്ത്രിക്ക് നൽകാനും യോഗം തീരുമാനിച്ചു. കൺവീനർ വർഗീസ് പേരയിൽ അധ്യക്ഷത വഹിച്ചു. സെക്രട്ടറി ശ്രീജിത്ത് ഭാനുദേവ്, കൊടുമൺ പഞ്ചായത്ത് മുൻ പ്രസിഡന്റ്‌ എ.വിജയൻ നായർ, അജികുമാർ രണ്ടാംകുറ്റി, ആർ.പദ്‌മകുമാർ, അഡ്വ. ബിജു വർഗീസ്, സുരേഷ് കുഴിവേലി, രാജൻ സുലൈമാൻ, ജോൺസൺ കുളത്തുകരോട് തുടങ്ങിയവർ പ്രസംഗിച്ചു.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
