കൊച്ചി : ബിജെപിയോട് അടുക്കാനൊരുങ്ങി യാക്കോബായ സഭ. നിയമസഭാ തെരഞ്ഞെടുപ്പില്‍ ബിജെപിക്ക് പിന്തുണ നല്‍കുന്നത് സഭ പരിഗണിക്കുന്നു. ഇന്നലെ ചേര്‍ന്ന സഭ വര്‍ക്കിങ് കമ്മിറ്റി ഇക്കാര്യം ചര്‍ച്ച ചെയ്തു. ഇന്ന് ചേരുന്ന സഭ സിനഡും ഇക്കാര്യം ചര്‍ച്ച ചെയ്യും. എന്നാല്‍ സഭ തര്‍ക്ക പരിഹാരത്തിന് കേന്ദ്ര സര്‍ക്കാര്‍ പിന്തുണ അനിവാര്യമാണെന്നും ആ സാഹചര്യത്തില്‍ ബിജെപിയെ പിന്തുണക്കണമെന്നുമാണ് യോഗങ്ങളില്‍ ഒരു വിഭാഗം മുന്നോട്ട് വെക്കുന്ന നിര്‍ദ്ദേശം. അന്തിമ തീരുമാനം അടുത്ത ദിവസത്തെ സഭ മാനേജിങ് കമ്മിറ്റിയിലുണ്ടായേക്കും.
