ആലപ്പുഴ : ലോക്ക്ഡൗണ്‍ നിയന്ത്രണം ലംഘിച്ച് പ്രവര്‍ത്തിച്ച വസ്ത്രശാലയില്‍ നിന്ന് പിഴയീടാക്കി. ആലപ്പുഴ മുല്ലയ്ക്കലിലെ എസ്.എം സില്‍ക്കാണ് നിയന്ത്രണം ലംഘിച്ച് തുറന്ന് പ്രവര്‍ത്തിച്ചത്. വിവരമറിഞ്ഞെത്തിയ ആലപ്പുഴ നോര്‍ത്ത് പോലീസ് സംഘം പരിശോധന നടത്തി പിഴയീടാക്കുകയായിരുന്നു.
ദിവസവും വസ്ത്രവ്യാപാരശാലയുടെ പുറകുവശത്തുകൂടെ ആളുകളെ കയറ്റി വ്യാപാരം നടത്തുന്നുവെന്ന പരാതി ലഭിച്ചതിനെ തുടര്‍ന്നാണ് നോര്‍ത്ത് പോലീസ് സംഘം പരിശോധന നടത്തിയത്. പരാതിയില്‍ കഴമ്പുണ്ടെന്ന് മനസിലായതോടെ കൊവിഡ് മാനദണ്ഡം ലംഘിച്ചതിന് പിഴയീടാക്കി വസ്ത്രശാല പോലീസ് അടപ്പിച്ചു.
