കോട്ടയം : അന്തേവാസിയായ പെണ്‍കുട്ടിയെ പീഡിപ്പിച്ചെന്ന പരാതിയില്‍ കോട്ടയം സാന്ത്വനം ചാരിറ്റബിള്‍ ട്രസ്റ്റ് നടത്തിപ്പുകാരനായ ബാബു വര്‍ഗീസിനെതിരെ പോലീസ് കേസെടുത്തു. പീഡനവാര്‍ത്ത പുറത്തുവന്നതോടെ സ്ഥാപനത്തിലെ അന്തേവാസികളായ 17ഓളം പെണ്‍കുട്ടികളെ മാറ്റി പാര്‍പ്പിച്ചു. ചൈല്‍ഡ് വെല്‍ഫയര്‍ കമ്മിറ്റിയുടെ നേതൃത്വത്തിലാണ് പെണ്‍കുട്ടികളെ മാറ്റി പാര്‍പ്പിച്ചത്. സ്ഥാപനത്തിന്റെ ഉടമയായ ആനി വര്‍ഗീസിന്റെ ഭര്‍ത്താവാണ് പിടിയിലായ ബാബു. ചൈല്‍ഡ് വെല്‍ഫയര്‍ കമ്മിറ്റി ഇടപെട്ട് പെണ്‍കുട്ടിയുടെ മൊഴി എടുക്കുകയും തുടര്‍ന്ന് കോട്ടയം എസ്പിക്ക് പരാതി നല്‍കുകയുമായിരുന്നു.
