കെ-റെയിലുമായി ബന്ധപ്പെട്ട യു.ഡി.എഫ് നിലപാടാണ് ശരിയെന്ന് തെളിഞ്ഞിരിക്കുകയാണെന്ന് ശശി തരൂര്‍

കൊച്ചി : കെ.റെയിലുമായി ബന്ധപ്പെട്ട യു.ഡി.എഫ് നിലപാടാണ് ശരിയെന്ന് തെളിഞ്ഞിരിക്കുകയാണെന്ന് ശശി തരൂര്‍ എം.പി. കെ-റെയിലുമായി ബന്ധപ്പെട്ട ജനങ്ങളുടെ ആശങ്കകള്‍ അവസാനിക്കുന്നില്ല, തൃക്കാക്കരയില്‍ കെ.വി.തോമസല്ല പി.ടി.തോമസിന്റെ വികസന പ്രവര്‍ത്തനങ്ങളാണ് ചര്‍ച്ചാവിഷയമെന്നും അദ്ദേഹം പറഞ്ഞു. തൃക്കാക്കരയിലെ യു.ഡി.എഫ് സ്ഥാനാര്‍ത്ഥി ഉമ തോമസിന്റെ പ്രചരണാര്‍ത്ഥം മഹിളാ കോണ്‍ഗ്രസ് തയ്യാറാക്കിയ പ്രചരണ ഗാനത്തിന്റെ പ്രകാശനം നിര്‍വ്വഹിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. യു.ഡി.എഫ് കേന്ദ്ര തെരഞ്ഞെടുപ്പ് കമ്മിറ്റി ഓഫീസില്‍ നടന്ന ചടങ്ങില്‍ മഹിളാ കോണ്‍ഗ്രസ് സംസ്ഥാന പ്രസിഡന്റ് ജെബി മേത്തര്‍ എം.പി അധ്യക്ഷയായിരുന്നു.അനഘ എല്‍സ തോമസാണ് ഗാനരചന. പി.പി ഐസക്, മെനീഷ മെല്‍ബിന്‍ എന്നിവരാണ് ആലാപനം.