ന്യൂഡല്ഹി : സ്റ്റേറ്റ് ബാങ്ക് ഓഫ് ഇന്ത്യ നടത്തിയ എസ്.ബി.ഐ ക്ലാർക്ക് പ്രിലിമിനറി പരീക്ഷയുടെ ഫലം പ്രഖ്യാപിച്ചു. പരീക്ഷയെഴുതിയ ഉദ്യോഗാർത്ഥികൾക്ക് എസ്.ബി.ഐയുടെ ഔദ്യോഗിക വെബ്സൈറ്റായ sbi.co.in സന്ദർശിച്ച് ഫലം പരിശോധിക്കാം. ഫലം പരിശോധിക്കാൻ ആദ്യം വെബ്സൈറ്റ് സന്ദർശിക്കുക. ഹോം പേജിൽ കാണുന്ന current openings എന്ന ലിങ്കിൽ ക്ലിക്ക് ചെയ്യാം. കുടർന്ന് sbi clerk prelims result 2021 ലിങ്കിൽ ക്ലിക്ക് ചെയ്യുക.
റോൾ നമ്പർ അല്ലെങ്കിൽ രജിസ്ട്രേഷൻ നമ്പർ, ഡേറ്റ് ഓഫ് ബർത്ത് എന്നിവ നൽകി ലോഗിൻ ചെയ്യാം. കാപ്ച്ചാ കോഡ് കൂടി നൽകിയതിന് ശേഷം submit ൽ ക്ലിക്ക് ചെയ്യുക. ഒന്നാം ഘട്ട പരീക്ഷയ്ക്ക് ലഭിച്ച മാർക്ക് ഉദ്യോഗാർത്ഥികൾക്ക് പരിശോധിക്കാം. ഓഗസ്റ്റ് 17 മുതൽ 19 വരെയാണ് എസ്.ബി.ഐ പ്രിലിമിനറി പരീക്ഷ നടന്നത്. പ്രിലിമിനറി പരീക്ഷയിൽ യോഗ്യത നേടുന്നവർക്ക് മെയിൻസ് പരീക്ഷയുണ്ടായിരിക്കും.
