അടൂര് : ഭർതൃമതിയും സ്കൂൾ ജീവനക്കാരിയുമായ 35 കാരിയുടെ ആത്മഹത്യയില് ആത്മഹത്യാ പ്രേരണാകുറ്റത്തിന് യൂത്ത് കോൺഗ്രസ് സംസ്ഥാന സെക്രട്ടറി സുഹൈൽ അൻസാരി(33) അറസ്റ്റിൽ. ഇന്ന് പുലർച്ചെ പൊരുവഴി മയത്തും കരയിലെ വീട്ടിൽ നിന്നാണ് ഏനാത്ത് പോലീസ് ഇയാളെ പിടികൂടിയത്. ഈ മാസം 14 ന് പുലർച്ചെയാണ് കടമ്പനാട് സ്വദേശി രേണു അനിൽ (37) നെ തൂങ്ങിമരിച്ച നിലയിൽ ഭർതൃ വീടിന്റെ ടെറസിൽ കണ്ടെത്തിയത്.
ശൂരനാട് സെന്റ് തോമസ് സ്കൂളിലെ ജീവനക്കാരി ആയിരുന്ന രേണുവിനോട് അതെ സ്ക്കൂളിലെ പി ആർ ഓ ആയിരുന്ന സുഹൈൽ ശാരീരിക ബന്ധത്തിന് നിർബ്ബന്ധിക്കുകയും സ്വകാര്യ ചിത്രങ്ങൾ അയച്ചുകൊടുക്കാൻ ആവശ്യപ്പെടുകയും ചെയ്തതിന്റെ മനോവിഷമത്തിലാണ് രേണു ജീവനൊടുക്കിയതെന് ആത്മഹത്യ കുറിപ്പിൽ പറയുന്നു. ഇതിന്റെ അടിസ്ഥാനത്തിലാണ് കേസ് രജിസ്റ്റർ ചെയ്ത് ഏനാത്ത് പോലീസ് സുഹൈലിനെ അറസ്റ്റ് ചെയ്തത്. നടപടികൾ പൂർത്തിയാക്കിയ ശേഷം ഇയാളെ കോടതിയിൽ ഹാജരാക്കും.
