ന്യൂഡല്‍ഹി : കോവിഡ് മഹാമാരിക്ക് ശമനം വന്നതോടെ ഡല്‍ഹിയില്‍ ഘട്ടം ഘട്ടമായി സ്കൂളുകള്‍ തുറക്കാന്‍ സര്‍ക്കാര്‍ തീരുമാനം. 6 മുതല്‍ 8 വരെയുള്ള ക്ലാസുകള്‍ സെപ്റ്റംബര്‍ എട്ട് മുതലും ഒന്‍പത് മുതല്‍ 12 വരെയുള്ള ക്ലാസുകള്‍ സെപ്റ്റംബര്‍ ഒന്നിനും ആരംഭിക്കും. വിദ്ഗധ സമിതി റിപ്പോര്‍ട്ട് അംഗീകരിച്ചാണ് സര്‍ക്കാറിന്റെ തീരുമാനം.
കൊവിഡ് രൂക്ഷമായതിനെ തുടര്‍ന്ന് രാജ്യത്ത് ലോക്ക്ഡൌണ്‍ പ്രഖ്യാപിച്ചതോടെ കഴിഞ്ഞ വര്‍ഷം മാര്‍ച്ചിലാണ് രാജ്യതലസ്ഥാനത്ത് സ്കൂളുകള്‍ അടച്ചത്. കഴിഞ്ഞ ജനുവരിയില്‍ 9-12 ക്ലാസുകള്‍ ആരംഭിച്ചിരുന്നെങ്കിലും കൊവിഡ് വീണ്ടും പടര്‍ന്നതോടെ ക്ലാസുകള്‍ നിര്‍ത്തിവെക്കേണ്ടി വന്നിരുന്നു . അതെ സമയം രാജ്യത്ത് സ്ഥിരീകരിക്കുന്ന പ്രതിദിന കോവിഡ് കേസുകളില്‍ 60 ശതമാനവും കേരളത്തിലാണ് റിപ്പോര്‍ട്ട് ചെയ്യുന്നത്.
