പത്തനംതിട്ട : ജില്ലയിൽ കാലവർഷം ശക്തമാകുകയും പകർച്ചവ്യാധികൾ വ്യാപിക്കുകയും ചെയ്യുന്നത് മുന്നിൽകണ്ട് കൊണ്ട് സർക്കാർ അടിയന്തിരമായി സത്വര നടപടികൾ സ്വീകരിക്കണമെന്ന് യു ഡി എഫ് പത്തനംതിട്ട ജില്ലാ ചെയർമാനും കേരളാ കോൺഗ്രസ് ജില്ലാ പ്രസിഡന്റുമായ അഡ്വ. വർഗ്ഗീസ് മാമ്മൻ ആവശ്യപ്പെട്ടു. ജില്ലയുടെ പടിഞ്ഞാറൻ പ്രദേശങ്ങളിൽ വെള്ളം കയറിയിരിക്കുകയാണ്. സ്കൂൾ, കോളേജ് അധ്യയനം ആരംഭിച്ചിരിക്കുന്ന സാഹചര്യത്തിൽ വിദ്യാർത്ഥികൾക്ക് യാത്രാ സൗകര്യം ബുദ്ധിമുട്ടായിരിക്കുന്നു.
താഴ്ന്ന പ്രദേശത്ത് താമസിക്കുന്ന വെള്ളപ്പൊക്ക ഭീഷണി നേരിടുന്ന ആളുകളെ ക്യാമ്പിലേക്ക് മാറ്റാനുള്ള ശ്രമങ്ങൾ ആരംഭിച്ചിട്ട് പോലുമില്ല. ജില്ലയിൽ കഴിഞ്ഞ ഒരു മാസമായി നിലനിൽക്കുന്ന പകർച്ചപ്പനിയും വെള്ളപ്പൊക്കത്തെ തുടന്ന് ഉണ്ടാകാൻ സാദ്ധ്യതയുള്ള പകർച്ചവ്യാധികളും മുന്നിൽകണ്ടുള്ള ഒരു നടപടിയും ആരോഗ്യവകുപ്പിന്റെ ഭാഗത്ത് നിന്ന് ഉണ്ടായിട്ടില്ല. പത്തനംതിട്ടയിലെ ഭൂരിഭാഗം ആരോഗ്യ കേന്ദ്രങ്ങളിലും ഡോക്ടർമാരും ജീവനക്കാരുമില്ലാത്ത അവസ്ഥയിലാണ്.
താലൂക്ക് ആശുപത്രിയിൽ പോലും ആംബുലൻസ് സൗകര്യവും വാഹന സൗകര്യവും ഇല്ലാതായിട്ട് മാസങ്ങളായി. ഇത്രയും ഗുരുതരമായ സ്ഥിതി ജില്ല രൂപീകൃതമായതിന് ശേഷം ആദ്യമായാണ് നേരിടുന്നത്. ആരോഗ്യവകുപ്പ് ഗുരുതരമായ കൃത്യവിലോപമാണ് ഈ കാര്യത്തിൽ കാണിക്കുന്നതെന്നും അദ്ദേഹം വ്യക്തമാക്കി. ആരോഗ്യവകുപ്പ് മന്ത്രിയുടെ പ്രസ്താവനകളല്ലാതെ മന്ത്രിയുടെ സ്വന്തം ജില്ലയായ പത്തനംതിട്ടയിൽ ഒരു പ്രവർത്തനവും നടക്കുന്നില്ല എന്നതാണ് വസ്തുത. ഈ കാര്യത്തിലുള്ള സർക്കാർ അനാസ്ഥ പ്രതിഷേധാർഹമാണെന്നും ജനങ്ങളെ മരണത്തിലേക്ക് തള്ളി വിടരുതെന്നും അഡ്വ. വർഗ്ഗീസ് മാമ്മൻ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
