തിരുവനന്തപുരം : സെക്രട്ടേറിയറ്റ് പ‍്രോട്ടോക്കോള്‍ വിഭാഗത്തിലെ തീപിടിത്തത്തില്‍ കോടതി പരിഗണിക്കുക ഫൊറന്‍സിക് റിപ്പോര്‍ട്ട്. ഇന്ത്യന്‍ തെളിവു നിയമത്തിലെ 45-ാം വകുപ്പു പ്രകാരമാണ് ഫൊറന്‍സിക് ലാബിലെ റിപ്പോര്‍ട്ടുകള്‍ കോടതി ആധികാരിക രേഖയായി അംഗീകരിക്കുന്നത്.
പരിശോധനയ്ക്കായി കോടതി മുഖേന ലഭിച്ച സാമ്പിളുകളില്‍ ഒന്നില്‍ പോലും ഷോര്‍ട്ട് സര്‍ക്യൂട്ടിന്റെ ലക്ഷണം കണ്ടെത്താനായില്ലെന്നാണു ഫൊറന്‍സിക് റിപ്പോര്‍ട്ടില്‍ പറയുന്നുണ്ട്. പ്രതിഭാഗം അഭിഭാഷകനു ക്രോസ് വിസ്താരത്തിന് അവസരം പോലും നല്‍കാതെ ക്രിമിനല്‍ നടപടി ചട്ടത്തിലെ 293-ാം വകുപ്പു പ്രകാരം, ഫൊറന്‍സിക് ഉദ്യോഗസ്ഥന്‍ തയാറാക്കിയ റിപ്പോര്‍ട്ട് ഉദ്യോഗസ്ഥന്റെ അസാന്നിധ്യത്തില്‍ തന്നെ കോടതിക്ക് അംഗീകരിക്കാം. അതുകൊണ്ടു തന്നെ ഇക്കാര്യത്തിലുള്ള പോലീസിന്റെ റിപ്പോര്‍ട്ട് നിലനില്‍ക്കില്ലെന്നു വിദഗ്ധര്‍ ചൂണ്ടിക്കാട്ടി.
