തിരുവല്ല : പുഷ്പഗിരി കോളേജ് ഓഫ് ഫാർമസി സ്റ്റുഡൻസ് യൂണിയന്റെ നേതൃത്വത്തിൽ കൊറോണാ വൈറസ് ബോധവൽക്കരണ സെമിനാർ തിരുവല്ല എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എസ്.സജീവ് ഉദ്ഘാടനം ചെയ്തു. പുഷ്പഗിരി മെഡിക്കൽ കോളേജ് ഹോസ്പിറ്റൽ വൈറോളജി വിഭാഗം ഇൻചാർജ് ഡോ.ജോർജ് വർഗീസ് ക്ലാസ്സുകൾ നയിച്ചു. ബോധവൽക്കരണ പരിപാടികളുടെ ഭാഗമായി പെരിങ്ങര പഞ്ചായത്തിലെ വിവിധ വാർഡുകളിലെ വീടുകളിൽ വിദ്യാർത്ഥികളും അദ്ധ്യാപകരും ചേർന്ന് ബോധവൽക്കരണം നടത്തുകയും ലഘുലേഖകൾ വിതരണം നടത്തുകയും ചെയ്തു. മെഡിസിറ്റി മെഡിസിറ്റി ഡയറക്ടർ റവ. ഫാ. എബി വടക്കുംതല, വൈസ് പ്രിൻസിപ്പാൾ ഡോ. കെ സുജിത്ത്. കോളേജ് യൂണിയൻ ചെയർമാൻ നിഖിൽ കെ മാത്യു തുടങ്ങിയവർ പരിപാടികൾക്ക് നേതൃത്വം നൽകി.
