ബെംഗളൂരു : ബെംഗളൂരുവിലെ മാന്യത ടെക് പാർക്ക് റൂട്ടിൽ ഓടുന്ന ബിഎംടിസി ബസിൽ യുവതിക്ക് നേരെ ലൈംഗികാതിക്രമം നടന്നതായി പരാതി. വ്യാഴാഴ്ച 500D/40 റൂട്ടിലോടുന്ന ബസിലാണ് സംഭവം ഉണ്ടായത്. ബസ് യാത്രയ്ക്കിടെ സഹയാത്രികൻ തന്നെ മോശമായ രീതിയിൽ സ്പർശിച്ചതായി യുവതി എഴുന്നേറ്റുനിന്ന് പറയുകയായിരുന്നു. അതിക്രമം നേരിട്ട ഉടൻ തന്നെ യുവതി പ്രതിയെ ചോദ്യം ചെയ്യുകയും ബസ് ഡ്രൈവറോട് പരാതിപ്പെടുകയും ചെയ്തു. ഇതോടെ ഡ്രൈവർ, പ്രതി ഓടി രക്ഷപ്പെടാതിരിക്കാൻ ബസ്സിന്റെ വാതിലുകൾ അടച്ചു. ഡ്രൈവർ പ്രതിയെ തല്ലുന്നതിന്റെ ദൃശ്യങ്ങൾ സാമൂഹ്യ മാധ്യമങ്ങളിൽ വ്യാപകമായി പ്രചരിക്കുന്നുണ്ട്. സംഭവത്തിൽ ബെംഗളൂരു പോലീസ് അന്വേഷണം നടത്തിവരികയാണെന്ന് ബിഎംടിസി അധികൃതർ അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
