കൊച്ചി : നടിയെ ഭീഷണിപ്പെടുത്തി പണം തട്ടാന്‍ ശ്രമിച്ച പ്രതികൾക്കെതിരെ കൂടുതല്‍ ആരോപണങ്ങള്‍. സംഘം സ്വര്‍ണക്കടത്തിന് പ്രേരിപ്പിച്ചെന്ന് പെണ്‍കുട്ടിയുടെ വെളിപ്പെടുത്തല്‍. ഷൂട്ടിങ്ങിനെന്ന പേരില്‍ പാലക്കാട് എട്ടുദിവസം രഹസ്യകേന്ദ്രത്തില്‍ പാര്‍പ്പിച്ചു. ഷംന കാസിമിനെ ഭീഷണിപ്പെടുത്തിയ സംഘത്തിലെ റഫീഖിനെ കണ്ടിരുന്നുവെന്നും ഇവര്‍ പറഞ്ഞു.
പ്രതികരിച്ചപ്പോള്‍ വീട്ടുകാരെ അപായപ്പെടുത്തുമെന്ന് ഭീഷണിപ്പെടുത്തി. മാര്‍ച്ച് ആദ്യമാണിത് നടന്നത്, അന്നുതന്നെ പരാതി നല്‍കിയിരുന്നുവെന്നും അവര്‍ പറഞ്ഞു. ഒരു കൂട്ടുകാരി വിളിച്ചതനുസരിച്ചാണ് ഷൂട്ടിനു പോയത്. പലതവണ പോയിട്ടുണ്ട്. എന്നാല്‍ ഒരു തവണ പോയപ്പോള്‍ ഒരു വീട്ടില്‍ തടവിലാക്കുകയായിരുന്നു.
