പന്തളം : എവറസ്റ്റ് കീഴടക്കിയ പന്തളം സ്വദേശി ഷെയ്ഖ് ഹസൻ ഖാന്റ യാത്ര വിവരണങ്ങൾ പ്രധാനമന്ത്രിയുടെ ശ്രദ്ധയിൽപ്പെടുത്തുമെന്ന് കേന്ദ്രമന്ത്രി വി.മുരളീധരൻ പറഞ്ഞു. എവറസ്റ്റ് കീഴടക്കിയ ഷെയ്ഖ് ഹസൻ ഖാന്റെ വീട്ടിൽ എത്തിയ മന്ത്രി ഖാനെ അറിയിച്ചു. പ്രധാനമന്ത്രിയുടെ മഠഗി ബാത്തിൽ ഉൾപ്പെടുത്തുമെന്നും അദ്ദേഹം പറഞ്ഞു. തിങ്കളാഴ്ച വൈകുന്നേരം 6.30 യോടെ ഷെയ്ഖ് ഹസൻ ഖാന്റെ വീട്ടിലെത്തിയ കേന്ദ്രമന്ത്രി എവറസ്റ്റ് യാത്രയെ കുറിച്ച് വിശദമായി ആരാഞ്ഞു.
ഹിമാലയത്തിൽ ഉയർത്തിയ ദേശീയപതാകയും, 14 ജില്ലകളിലായി 15 വയസ്സിനു താഴെ പ്രായമുള്ള കുട്ടികൾ വരച്ച ചിത്രങ്ങളും ഖാൻ മന്ത്രിയെ കാണിച്ചു. കുടുംബാംഗങ്ങയും, ബന്ധുക്കളുടെ ഒപ്പം നിന്ന് ഫോട്ടോ എടുത്ത ശേഷമാണ് മന്ത്രി മടങ്ങിയത്, ബി.ജെ.പി ജില്ലാ പ്രസിഡന്റ വി.എസ് സൂരജ്, സംസ്ഥാന സെക്രട്ടറി പന്തളം പ്രതാപൻ, കെ.വി പ്രഭ,നഗരസഭ ചെയർപേഴ്സൺ സുശീല സന്തോഷ്, ഗിരിഷ് കുമാർ, ഹരികുമാർ, പ്രദീപ് കുമാർ, സൂര്യ എസ് നായർ, എന്നിവരും ഖാന്റെ വീട്ടിൽ എത്തിയിരുന്നു.