ബംഗളുരു : ശിവമോഗയില് ക്വാറിയില് സ്ഫോടക വസ്തു കയറ്റിയ ട്രക്ക് പൊട്ടിത്തെറിച്ചുണ്ടായ സ്ഫോടനത്തില് എട്ടു മരണം. ബിഹാര് സ്വദേശികളായ തൊഴിലാളികളാണ് മരിച്ചതെന്നാണ് സൂചന.
മൃതദേഹങ്ങള് ചിന്നിച്ചിതറി. ഭൂചലനത്തിന് സമാനമായ പ്രകമ്പനമാണ് അനുഭവപ്പെട്ടത്. പൊട്ടിത്തെറിയുടെ പ്രകമ്പനം നാല് ജില്ലകളില് അനുഭവപ്പെട്ടു.
മരണസംഖ്യ ഇനിയും ഉയരാനാണ് സാധ്യത. വ്യാഴാഴ്ച രാത്രി 10.20നാണ് സംഭവം. റെയില്വേ ക്രഷര് യൂണിറ്റിലേക്ക് സ്ഫോടക വസ്തുക്കളുമായി എത്തിയ ട്രക്കാണ് പൊട്ടിത്തെറിച്ചത്.
15 കിലോമീറ്റര് ചുറ്റളവിലുള്ള കെട്ടിടങ്ങള്ക്ക് വരെ നാശനഷ്ടമുണ്ടായി. നിരവധി വീടുകള്ക്ക് കേടുപാടുകളും സംഭവിച്ചു. രക്ഷാപ്രവര്ത്തനം തുടരുകയാണെന്നും സംഭവത്തില് അന്വേഷണം പ്രഖ്യാപിച്ചെന്നും അഡീഷണല് ഡെപ്യൂട്ടി കമീഷണര് അനുരാധ അറിയിച്ചു.
