ലക്നൗ: പ്രാര്‍ത്ഥന ഫലിക്കാത്തത്തിന് അമ്പലത്തില്‍ കയറി യുവാവിന്റെ കടുംകൈ. ഉത്തര്‍പ്രദേശിലെ കൗശംബി ജില്ലയിലാണ് സംഭവം. തനിക്ക് ഇഷ്ടമുള്ള പെണ്‍കുട്ടിയെ വിവാഹം ചെയ്യുകയെന്ന ആഗ്രഹം സാധിക്കാതെ വന്നതോടെയാണ് യുവാവിന് നിയന്ത്രണം നഷ്ടമായത്. 27 വയസുകാരനായ ഛോട്ടു എന്ന യുവാവിനെയാണ് പോലീസ് അറസ്റ്റ് ചെയ്തത്. ഇയാള്‍ക്ക് ഇഷ്ടമുണ്ടായിരുന്ന പെണ്‍കുട്ടിയെ വിവാഹം ചെയ്യാന്‍ വീട്ടുകാര്‍ അനുവദിച്ചില്ല. പ്രാര്‍ത്ഥനയിലൂടെ ലഭിക്കുന്ന ദിവ്യ ശക്തിയിലൂടെ വീട്ടുകാരെ സ്വാധീനിക്കാന്‍ കഴിയുമെന്ന് വിശ്വസിച്ച ഇയാള്‍ ക്ഷേത്രത്തില്‍ പോയി പ്രാര്‍ത്ഥിക്കാന്‍ തുടങ്ങി.
എല്ലാ ദിവസവും പ്രദേശത്തെ ശിവ ക്ഷേത്രത്തില്‍ ഛോട്ടു എത്തുമായിരുന്നുവെന്ന് പ്രദേശവാസികള്‍ പറഞ്ഞു. തന്റെ കുടുംബാംഗങ്ങളുടെ മനസ് മാറ്റാനും താന്‍ പറയുന്ന പെണ്‍കുട്ടിയുമായുള്ള വിവാഹത്തിന് സമ്മതിക്കുന്നതിനും ഭക്തിയിലൂടെ സാധിക്കുമെന്ന് ഇയാള്‍ വിശ്വസിച്ചു. ഒരു മാസം നിരന്തരം പ്രാര്‍ത്ഥിച്ചിട്ടും ഉദ്ദേശിച്ച കാര്യം നടക്കാതെ വന്നപ്പോള്‍ കുപിതനായ ഇയാള്‍ ക്ഷേത്രത്തില്‍ കയറി ശിവലിംഗം മോഷ്ടിക്കുകയായിരുന്നു എന്നാണ് പോലീസ് പറയുന്നത്.
സെപ്റ്റംബര്‍ ഒന്നാം തീയ്യതി പുലര്‍ച്ചെയാണ് ഇയാള്‍ ശിവലിംഗം മോഷ്ടിച്ചതെന്ന് പ്രദേശത്തെ പോലീസ് സര്‍ക്കിള്‍ ഇന്‍സ്പെക്ടര്‍ അഭിഷേക് കുമാര്‍ വാര്‍ത്താ ഏജന്‍സിയായ പിടിഐയോട് പറഞ്ഞു. തുടര്‍ന്ന് ശിവലിംഗം കുറ്റിക്കാട്ടില്‍ ഉപേക്ഷിക്കുകയായിരുന്നു. ക്ഷേത്രത്തില്‍ മോഷണം നടന്ന വിവരം മനസിലാക്കിയ നാട്ടുകാര്‍ പോലീസില്‍ പരാതി നല്‍കി. നാട്ടുകാരുടെ പരാതിയിന്മേല്‍ അന്വേഷണം നടത്തിയ പോലീസ് സംശയം തോന്നിയതിന്റെ അടിസ്ഥാനത്തില്‍ സെപ്റ്റംബര്‍ മൂന്നാം തീയ്യതി ഛോട്ടുവിനെ കസ്റ്റഡിയിലെടുത്തു. വിശദമായ ചോദ്യം ചെയ്യലില്‍ ഇയാള്‍ കുറ്റം സമ്മതിച്ചു. പോലീസ് നടത്തിയ തെരച്ചിലില്‍ കുറ്റിക്കാട്ടില്‍ നിന്ന് ശിവലിംഗം കണ്ടെത്തുകയും ചെയ്തു. ഇത് പിന്നീട് ക്ഷേത്രത്തില്‍ പുനഃസ്ഥാപിച്ചു. പ്രതിയെ ജുഡീഷ്യല്‍ കസ്റ്റഡിയില്‍ വിട്ടു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
