ചെങ്ങന്നൂര് : പേരിശ്ശേരി ബാലഗോകുലത്തിന്റെ നേതൃത്വത്തിൽ ശ്രീകൃഷ്ണ ജയന്തി ശോഭായാത്ര നടന്നു. രമേശ് പേരിശ്ശേരി പതാക കൈമാറിക്കൊണ്ട് ഉദ്ഘാടനം ചെയ്തു. തിങ്കളാമുറ്റത്തുനിന്നും ആരംഭിച്ച ശോഭായാത്ര പേരിശ്ശേരി മഠത്തുംപടി, പഴയാറ്റിൽ പടി വഴി അമ്പാട്ട് കോളനിയിലെത്തി മഹാശോഭായാത്രയായി പേരിശ്ശേരി ശ്രീനാരായണപുരം തൃക്കയിൽ ക്ഷേത്രത്തിൽ സമാപിച്ചു. ബിനു കെ പിള്ള, പ്രസന്നകുമാർ പി കെ, ജയൻ, ബിപിൻ, ഉണ്ണി, സതീഷ്, സുബീഷ്,സ്വാമിനാഥൻ എന്നിവർ നേതൃത്വം നൽകി. സമാപന സമ്മേളനത്തിൽ എം ബി ബി എസ്, എസ്എസ്എൽസി, പ്ലസ് ടു ഉന്നത വിജയം കരസ്ഥമാക്കിയ ജേതാക്കളെ അനുമോദിച്ചു.
