ചെങ്ങന്നൂർ : സവാബിന്റെ (സ്റ്റേജ് ആർട്ടിസ്റ്റ് ആന്റ് വർക്കേഴ്സ് അസോസിയേഷൻ ഓഫ് ഭാരത് ) ആഭിമുഖ്യത്തിൽ പാടാം ആർക്കും പാടാം എന്ന സംഗീത പരിപാടി ജൂലൈ 8 ന് രാവിലെ 10 മുതൽ ചെങ്ങന്നൂർ മുൻസിപ്പൽ മാർക്കറ്റിനു സമീപം നടക്കും. നഗരസഭ അധ്യക്ഷ മറിയാമ്മ ജോൺ ഫിലിപ്പ് ഉദ്ഘാടനം ചെയ്യും. സവാബ് സംസ്ഥാന പ്രസിഡന്റ് സാബു ഐക്കരേത്ത് അധ്യക്ഷത വഹിക്കും. നഗരസഭ വൈസ് ചെയർമാൻ ഗോപു പുത്തൻ മഠത്തിൽ മുഖ്യ പ്രഭാഷണം നടത്തും.
സവാബ് രക്ഷാധികാരി ഡോ.നിരണം രാജൻ, നഗരസഭ കൗൺസിലർമാരായ ശോഭാ വർഗീസ്, അശോക് പഠിപ്പുരയ്ക്കൽ, മുഖ്യ ഉപദേഷ്ടാവ് ബാബു മുതലപ്ര, വനിതാ വിഭാഗം പ്രസിഡന്റ് ശ്രീദേവി ശ്രീകുമാർ, ജന.സെക്രട്ടറി മധു ഡി വായ്പൂര്, ഖജാൻജി റോബിൻസൻ കെ.ജെ എന്നിവർ പ്രസംഗിക്കും. സാമൂഹിക പ്രവർത്തകനായ ഷെൽട്ടൻ വി.റാഫേലിനെ ചടങ്ങിൽ ആദരിക്കും. പ്രായഭേദമന്യേ ആൺ – പെൺ വ്യത്യാസമില്ലാതെ ആർക്കും പരിപാടിയിൽ പങ്കെടുക്കാം. ചലച്ചിത്രഗാനങ്ങൾ, നാടൻ പാട്ടുകൾ, മാപ്പിളപ്പാട്ടുകൾ, നാടകഗാനം, ഭക്തിഗാനം തുടങ്ങി ഗായകർക്ക് ഇഷ്ടമുള്ളവ അവതരിപ്പിക്കാം.
പങ്കെടുക്കുന്ന എല്ലാവർക്കും സർട്ടിഫിക്കറ്റും പതക്കവും നൽകും. സവാബിൽ അംഗമാകുന്നവർക്ക് സംസ്ഥാന സാംസ്കാരിക പ്രവർത്തക ക്ഷേമനിധി ബോർഡിൽ അംഗമാകുന്നതിനുള്ള അവസരമൊരുക്കുമെന്ന് ഭാരവാഹികൾ അറിയിച്ചു. ചുവടെ ചേർക്കുന്ന നമ്പറുകളിൽ രജിസ്റ്റർ ചെയ്യാവുന്നതാണ്. 9745953541 – 8606123499, 9496878438. ഭാരവാഹികളായ ഡോ.നിരണം രാജൻ, സാബു ഐക്കരേത്ത്, ബാബു മുതലപ്ര, മധു ഡി വായ്പ്പൂര്, ഷാജി പഴൂർ, ശ്രീദേവി ശ്രീകുമാർ എന്നിവർ പത്രസമ്മേളനത്തിൽ പങ്കെടുത്തു.