പോലീസ് വാഹനമിടിച്ച് ആറുവയസുകാരി കൊല്ലപ്പെട്ടു; പിന്നാലെ പോലീസുകാര്‍ ഓടിരക്ഷപ്പെട്ടു

ഗുരുഗ്രാം: ഹരിയാനയിലെ ഗുരുഗ്രാമിൽ അമിതവേഗതയിലെത്തിയ പോലീസ് വാൻ കാറിലിടിച്ച് ആറുവയസുകാരി കൊല്ലപ്പെട്ടു. അപകടത്തിൽ അഞ്ചുപേർക്ക് പരിക്കേൽക്കുകയും ചെയ്തു. പോലീസിന്റെ എമർജൻസി റെസ്പോൺസ് വെഹിക്കിൾ (ഇആർവി) ആണ് അപകടമുണ്ടാക്കിയത്. എന്നാൽ അപകടത്തിന് ശേഷം പോലീസ് വാഹനം നിർത്താതെ പോകുകയും ചെയ്തു. അപകടത്തിൽ പെട്ട പോലീസുകാർ സ്ഥലത്തുനിന്നും ഓടി രക്ഷപ്പെട്ടതായി ദൃക്‌സാക്ഷികൾ പറയുന്നു.

പരിക്കേറ്റവരിൽ രണ്ട് കുട്ടികളും രണ്ട് സ്ത്രീകളുമുണ്ട്. പിസിആർ വാൻ ഡ്രൈവർ ഉൾപ്പെടെ മൂന്ന് പോലീസുകാരെ സസ്‌പെൻഡ് ചെയ്തതായി ഗുരുഗ്രാം എസിപി വികാസ് കൗശിക് പറഞ്ഞു. സംഭവത്തിൽ ഉൾപ്പെട്ട ഡ്രൈവർ, സ്പെഷ്യൽ പോലീസ് ഓഫീസർ (എസ്പിഒ), ഹെഡ് കോൺസ്റ്റബിൾ എന്നിവർക്കെതിരെ വകുപ്പുതല നടപടികൾ ആരംഭിക്കുമെന്ന് വികാസ് കൗശിക് പറഞ്ഞു. എമർജൻസി റെസ്പോൺസ് വെഹിക്കിൾ തെറ്റായ ദിശയിലൂടെയാണ് സഞ്ചരിച്ചതെന്ന് പോലീസ് പറഞ്ഞു.

ഡൽഹിയിൽ നിന്ന് ഫരീദാബാദിലേക്ക് വരുന്ന കാറിലാണ് പോലീസ് വാഹനം ഇടിച്ചത്. അപകടസ്ഥലത്ത് നിന്ന് പോലീസുകാർ ഓടി രക്ഷപ്പെടുന്നതിന് പകരം ആശുപത്രിയിലേക്ക് കൊണ്ടുപോയിരുന്നെങ്കിൽ മകൾ ജീവിച്ചിരിക്കുമായിരുന്നുവെന്ന് കൊല്ലപ്പെട്ട പെൺകുട്ടിയുടെ പിതാവ് വിശ്വജിത്ത് പറഞ്ഞതായി വാർത്താ ഏജൻസിയായ എ.എൻ.ഐ റിപ്പോർട്ട് ചെയ്തു. എന്നാൽ ആശുപത്രിയിൽ എത്തിക്കാൻ വൈകിയെന്നും അപകടത്തിൽപ്പെട്ട കുടുംബം ആരോപിച്ചു. അപകടവിവരം അറിഞ്ഞെത്തിയ പോലീസാണ് കുട്ടിയുടെ മൃതദേഹം പുറത്തെടുത്തത്. വിഷയത്തിൽ കൂടുതൽ അന്വേഷണം നടന്നുവരികയാണെന്നും പോലീസ് പറഞ്ഞു.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]

———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 94473 66263 /0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033