കോന്നി : വി.കോട്ടയത്ത് ആൾ താമസമില്ലാത്ത വീട്ടിൽ നിന്ന് അസ്ഥികൂടം കണ്ടെത്തി. വള്ളിക്കോട് കോട്ടയം കൊലപ്പാറ നെടുമുരുപ്പേൽ ആണ് സംഭവം. നാട്ടുകാർ അസ്ഥികൂടം കണ്ടെത്തിയതിനെ തുടർന്ന് വിവരം കോന്നി പോലീസ് സ്റ്റേഷനിൽ അറിയിക്കുകയായിരുന്നു. തുടർന്ന് കോന്നി പോലീസും ഫോറൻസിക് വിദഗ്ധരും സ്ഥലത്തെത്തി നടപടികൾ സ്വീകരിച്ചു. പുരുഷന്റെ മൃതദേഹാവശിഷ്ടമാണ് കണ്ടെത്തിയതെന്ന് പോലീസ് പറഞ്ഞു. കൂടൽ സ്വദേശിയായ ആളുടെ സ്ഥലമാണിത്. ആറ് മാസങ്ങൾക്ക് മുൻപ് ളാക്കൂരിൽ നിന്നും ഒരാളെ കാണാതായിരുന്നു. അസ്ഥികൂടം കാണാതായ ആളിന്റെതാണെന്നാണ് സംശയം. കൂടുതൽ പരിശോധനകൾക്കായി അസ്ഥികൂടം കോട്ടയത്തേക്ക് അയച്ചു.
