കൊച്ചി : പ്രായമാകുന്നതോടെ നമ്മുടെ ഓർമശക്തി കുറഞ്ഞുവരും ഇത് സ്വാഭാവികമാണ്. തലച്ചോറിന്റെ ആരോഗ്യം കുറയുന്നതാണ് ഇതിന് പ്രധാന കാരണം. തലച്ചോറിന്റെ ആരോഗ്യം സൂക്ഷിക്കാനായി ആരോഗ്യകരമായ ഭക്ഷണം നാം ഉള്പ്പെടുത്തണം. ആരോഗ്യകരമായ ഭക്ഷണം നിങ്ങൾ കഴിക്കുന്നതിലൂടെ നിങ്ങളുടെ മാനസിക ശേഷിയേയും മെച്ചപ്പെടുന്നു. എന്തൊക്കെയാണ് ഭക്ഷണത്തില് നാം പ്രധാനമായും ഉള്പ്പെടുത്തണ്ടത്. അവ എന്തൊക്കെയാണെന്ന് നോക്കാം…
ഒമേഗ -3
ഒമേഗ -3 ആരോഗ്യകരമായ കൊഴുപ്പുകളാണ്. ഒമേഗ-3 ഒരാളുടെ പഠനശേഷിയും ഓർമശക്തിയും മെച്ചപ്പെടുത്തുന്നതിനും സഹായിക്കുന്നു.
ഇരുമ്പ്
മസ്തിഷ്കത്തിന് പ്രധാനപ്പെട്ട പോഷകങ്ങളിലൊന്നാണ് ഇരുമ്പ്. വൈജ്ഞാനിക വികസനം, ഡിഎൻഎ സിന്തസിസ്, മൈറ്റോകോൺഡ്രിയൽ ശ്വസനം, മൈലിൻ സിന്തസിസ്, ന്യൂറോ ട്രാൻസ്മിറ്റർ സിന്തസിസ്, മെറ്റബോളിസം തുടങ്ങിയ മസ്തിഷ്ക പ്രവർത്തനങ്ങൾക്ക് സഹായിക്കുന്നു. ഇരുമ്പ് അടങ്ങിയ ഭക്ഷണങ്ങൾ ധാരാളം കഴിക്കുക.
വിറ്റാമിൻ ഡി
എല്ലുകളുടെ വളർച്ചയ്ക്ക് വിറ്റാമിൻ ഡി നല്ലതാണെന്ന് ഭൂരിപക്ഷം ആളുകൾക്കും അറിയാം. എന്നിരുന്നാലും ഇത് തലച്ചോറിന് അത്യന്താപേക്ഷിതമാണെന്ന വസ്തുതയും നിങ്ങൾ അറിഞ്ഞിരിക്കണം. ഈ വിറ്റാമിൻ പ്രായമായവരിൽ ഡിമെൻഷ്യ വരാനുള്ള സാധ്യത തടയുന്നു.
മഗ്നീഷ്യം
ശരീരത്തിലെ കുറഞ്ഞ അളവിലുള്ള മഗ്നീഷ്യം മൈഗ്രെയ്ൻ, വിഷാദം, പല ന്യൂറോളജിക്കൽ രോഗങ്ങൾക്കും കാരണമാകും. അതിനാൽ നിങ്ങളുടെ ഭക്ഷണ തിരഞ്ഞെടുപ്പിനെക്കുറിച്ച് ബോധവാനായിരിക്കുകയും നിങ്ങളുടെ ഭക്ഷണത്തിൽ മഗ്നീഷ്യം ഉൾപ്പെടുത്തുകയും ചെയ്യുക.
സെലിനിയം
സെലിനിയം തലച്ചോറിന്റെ ആന്റിഓക്സിഡന്റ് ശേഷി നിലനിർത്തുന്നു. കൂടാതെ തൈറോയ്ഡ് ഹോർമോൺ മെറ്റബോളിസം, ഡിഎൻഎ സിന്തസിസ്, ഓക്സിഡേറ്റീവ് സമ്മർദ്ദത്തിൽ നിന്നുള്ള സംരക്ഷണം എന്നിവയിൽ സെലിനിയം നിർണായക പങ്ക് വഹിക്കുന്നു.
