കോന്നി : സി പി ഐ തണ്ണിത്തോട് ലോക്കൽ സമ്മേളനത്തോട് അനുബന്ധിച്ച് മെയ്‌ 3 എ ഐ വൈ എഫ് സ്ഥാപക ദിനാചാരണത്തിന്റെ ഭാഗമായി സംഘടിപ്പിച്ച കായിക മത്സരങ്ങൾ തണ്ണിത്തോട് പഞ്ചായത്ത് സ്റ്റേഡിയത്തിൽ എ ഐ വൈ എഫ് കോന്നി മണ്ഡലം കമ്മറ്റി പ്രസിഡന്റ് എസ് അജിത്ത് ഉദ്ഘാടനം ചെയ്തു. സി പി ഐ ലോക്കൽ കമ്മറ്റി അംഗം റെജി ജോർജ് അധ്യക്ഷത വഹിച്ചു. ഐ ഐ വൈ എഫ് ജില്ലാ കമ്മറ്റി അംഗങ്ങളായ ഷിജോ വകയാർ, ബിനോയ്‌ ജോൺ,സി പി ഐ ലോക്കൽ സെക്രട്ടറി പി സി ശ്രീകുമാർ, സി പി ഐ മണ്ഡലം കമ്മറ്റി അംഗം കെ സന്തോഷ്‌, എ ഐ വൈ എഫ് തണ്ണിത്തോട് വില്ലേജ് കമ്മറ്റി സെക്രട്ടറി രജിത്, വി റ്റി ശശി തുടങ്ങിയവർ സംസാരിച്ചു.
