കൊച്ചി : സ്പ്രിന്‍ക്‌ളര്‍ കരാര്‍ വഴി വിവരങ്ങള്‍ ചോര്‍ന്നവര്‍ക്ക് നഷ്ടപരിഹാരം നല്‍കണമെന്നാവശ്യപ്പെട്ട് പ്രതിപക്ഷനേതാവ് രമേശ് ചെന്നിത്തല ഹൈക്കോടതിയില്‍ ഹര്‍ജി നല്‍കി. ഇടപാടിനെ കുറിച്ച് അന്വേഷിച്ച മാധവന്‍നായര്‍ കമ്മിറ്റിയുടെ റിപ്പോര്‍ട്ട് ഹൈക്കോടതിയില്‍ ഹാജരാക്കണമെന്നും പ്രതിപക്ഷ നേതാവിന്റെ ഹര്‍ജിയില്‍ ആവശ്യപ്പെടുന്നു
കോവിഡ് പ്രതിരോധ പ്രവര്‍ത്തനങ്ങളുടെ ആദ്യഘട്ടത്തില്‍ ആയിരക്കണക്കിന് ആളുകളുടെ ആരോഗ്യവിവരങ്ങള്‍ അവരുടെ അനുമതിയില്ലാതെ സ്പ്രിന്‍ക്‌ളറിന് കൈമാറിയെന്ന് രമേശ് ചെന്നിത്തലയുടെ ഹര്‍ജിയില്‍ പറയുന്നു.
ഈ വിവരങ്ങള്‍ സ്പ്രിന്‍ക്‌ളറിന്‍റെ സെര്‍വറില്‍ നിന്ന് അടിയന്തരമായി നീക്കം ചെയ്യണമെന്ന ഹൈക്കോടതി ഉത്തരവ് സമയബന്ധിതമായി നടപ്പാക്കുന്നതിലും സര്‍ക്കാരിന് വീഴ്ചയുണ്ടായി. ഈ സാഹചര്യത്തില്‍ വിവരങ്ങള്‍ ചോര്‍ന്നവര്‍ക്ക് നഷ്ടപരിഹാരം ലഭിക്കാന്‍ അര്‍ഹതയുണ്ടെന്നാണ് പ്രതിപക്ഷനേതാവിന്‍റെ വാദം.
