തിരുവനന്തപുരം: വിവാദ ഐ എ എസ് ഉദ്യോഗസ്ഥന് ശ്രീറാം വെങ്കിട്ട രാമനെ പിആര്ഡി ഫാക്ട് ചെക്കിംഗ് സമിതിയില്നിന്ന് ഒഴിവാക്കി. മാദ്ധ്യമപ്രവര്ത്തകന് കെ.എം. ബഷീറിനെ വാഹനമിടിച്ച് കൊലപ്പെടുത്തിയ കേസിലെ പ്രതിയായ ശ്രീറാമിനെ സമിതിയില് ഉള്പ്പെടുത്തിയത് വിവാദമായിരുന്നു. ആരോഗ്യവകുപ്പ് അഡീ.സെക്രട്ടറി ബിജു ഭാസ്കറാണ് പുതിയ അംഗം.
ആരോഗ്യ വകുപ്പിലെ ജോയിന്റെ സെക്രട്ടറിയായ ശ്രീറാമിനെ ഒക്ടോബര് ആദ്യവാരമാണ് ഫാക്ട് ചെക്കിംഗ് സമിതിയില് അംഗമാക്കിയത്. സോഷ്യല് മീഡിയയില് സര്ക്കാരിനെതിരായ വ്യാര്വാര്ത്തകള് കണ്ടെത്താന് മുഖ്യമന്ത്രിയുടെ നിര്ദേശം അനുസരിച്ചാണ് പിആര്ഡി വിഭാഗം രൂപീകരിച്ചത്. സര്ക്കാര് സംവിധാനത്തെ രാഷ്ട്രീയപരമായി ദുരുപയോഗം ചെയ്യുന്നുവെന്ന വിമര്ശനം ഇതിനെതിരെ ഉയരുകയും ചെയ്തു. പിആര്ഡി സെക്രട്ടറി അദ്ധ്യക്ഷനായ സമിതിയില് പോലീസ് ഉള്പ്പെടെ വിവിധ വകുപ്പുകളിലെ പ്രതിനിധികളുണ്ട്.
