ചെന്നൈ : കോവിഡ് വ്യാപനത്തിന്റെ പശ്ചാത്തലത്തില്‍ തമിഴ്നാട്ടിലും എസ്.എസ്.എല്‍.സി, പ്ലസ്ടു ക്ലാസുകളിലെ എല്ലാ കുട്ടികളെയും വിജയിപ്പിക്കാന്‍ തീരുമാനം. അര്‍ധവാര്‍ഷിക പരീക്ഷകളിലെയും ഇന്‍റേണല്‍ മാര്‍ക്കിന്റെയും അടിസ്ഥാനത്തില്‍ ഗ്രേഡ് നല്‍കും. അടുത്ത തിങ്കളാഴ്ച പരീക്ഷ തുടങ്ങാനുള്ള നീക്കം കഴിഞ്ഞ ദിവസം മദ്രാസ് ഹൈക്കോടതി വിമര്‍ശിച്ചിരുന്നു. തെലങ്കാന സര്‍ക്കാരും പത്താം ക്ലാസ് വിദ്യാര്‍ത്ഥികളെ പരീക്ഷ ഇല്ലാതെ തന്നെ ജയിപ്പിക്കാന്‍ തീരുമാനിച്ചിട്ടുണ്ട്. തെലങ്കാനയില്‍ ഇന്ന് മുതല്‍ ജൂലൈ അഞ്ച് വരെയായിരുന്നു നേരത്തെ പരീക്ഷകള്‍ നടത്താന്‍ തീരുമാനിച്ചിരുന്നത്. മുഖ്യമന്ത്രി ചന്ദ്രശേഖര റാവു ആണ് തിങ്കളാഴ്ച പരീക്ഷയില്ല എന്ന കാര്യം പ്രഖ്യാപിച്ചത്.
