കോഴഞ്ചേരി: സൈനിക സേവനം നടത്തുമ്പോൾ മാത്രമല്ല വിരമിച്ചതിന് ശേഷവും രാജ്യ താല്പര്യങ്ങൾ മുൻനിർത്തിയും സമൂഹത്തിലെ ജനങ്ങളുടെ നന്മയും ലക്ഷ്യമാക്കി പ്രവർത്തിക്കാൻ എല്ലാ വിമുക്തഭടന്മാരും ബാധ്യസ്ഥരാണെന്ന് നാഷണൽ കോർഡിനേഷൻ കമ്മറ്റി ദേശീയ വൈസ് ചെയർമാൻ സി.പി. നായർ പറഞ്ഞു. ജില്ലാ കമ്മിറ്റി സമ്പൂർണ്ണ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മഹാ പ്രളയം, കൊറോണ തുടങ്ങിയ പ്രശ്നങ്ങളുണ്ടായപ്പോൾ സംസ്ഥാന ഘടകത്തിന്റെ നേതൃത്വത്തിൽ സംഘടന അംഗങ്ങൾ കർമ്മനിരതരായത് അഭിനന്ദനാർഹമാണെന്നും വിമുക്തഭടന്മാർ നേരിടുന്ന ചികിത്സ പ്രശ്നങ്ങൾ, പെൻഷൻ രഹിതരായ വിമുക്തഭടന്മാരുടെ വിഷയങ്ങൾ, വിമുക്തഭടന്മാരുടെ വിധവകൾ നേരിടുന്ന പെൻഷൻ വിഷയങ്ങൾ തുടങ്ങി നിരവധി വിഷയങ്ങളിൽ പ്രശ്നപരിഹാരത്തിനായി സംഘടന മുൻകൈയെടുത്ത് ശ്രമം നടന്നുവരികയാണെന്നും അദ്ദേഹം പറഞ്ഞു.
സംഘടനയുടെ ജില്ലാ ഭാരവാഹികളും ജില്ലയിലെ യുണിറ്റ് ഭാരവാഹികളും പങ്കെടുത്ത യോഗത്തിൽ ജില്ലാ പ്രസിഡണ്ട് ജി.ആർ.കെ.പിള്ള, സെക്രട്ടറി അഡ്വ. രാജേഷ് നെടുമ്പ്രം, വിആർസി ജോർജ്, വി ചാക്കോ, മുരളീധരനുണ്ണിത്താൻ, ഉണ്ണികൃഷ്ണൻ കുന്നന്താനം, എം.കെ.ശശിധരൻ, മാത്യു ജോർജ്, രാജേന്ദ്ര കുമാർ, സുകേഷൻ, സി. എ. രാമനാഥൻ, സുധീഷ്.എസ് , ഇടുക്കിള ജോസ്,ലീലാമ്മ ജോർജ്, സുജാത കുറുപ്പ്,കെ.എം.രാധമ്മ തുടങ്ങിയവർ പ്രസംഗിച്ചു.
