ചുങ്കപ്പാറയിൽ തെരുവ് നായ ശല്യം രൂക്ഷം

ചുങ്കപ്പാറ: ജനവാസ മേഖലയിൽ തെരുവുനായ ശല്യം രൂക്ഷമാകുന്നു. ടൗണിലും പഞ്ചായത്ത് ബസ് സ്റ്റാൻഡിലും പരിസര പ്രദേശങ്ങളിലുമാണ് തെരുവ് നായ്ക്കളുടെ താവളം. ജനങ്ങളുടെ നേരെ ശൗര്യം കൊണ്ട് പാഞ്ഞടുക്കുന്ന നായ്ക്കളെ പേടിച്ചാണ് ബസ് സ്റ്റാൻഡിനുള്ളിൽ യാത്രക്കാർ ബസ്സിൽ കയറാൻ എത്തുന്നത്. ഇരുചക്ര വാഹന യാത്രക്കാർക്കും കാൽ നടയാത്രക്കാർക്കുമാണ് തെരുവ് നായ്ക്കല്‍ ഏറെ ഭീഷണിയാകുന്നത്. മത്സ്യ മാംസ കടകളിലെയും ഹോട്ടലുകളിലെയും മറ്റും മാലിന്യം പൊതുസ്ഥലങ്ങളിൽ വലിച്ചെറിയുന്നതാണ് ബസ് സ്റ്റാൻറിലും പരിസരത്തും തെരുവു നായ ശല്യം വർദ്ധിക്കാൻ കാരണമെന്ന് നാട്ടുകാർ പറയുന്നു.