തിരുവനന്തപുരം : മിണ്ടാപ്രാണികളോടുള്ള മനുഷ്യന്റെ ക്രൂരത തുടര്‍ക്കഥയാവുന്നു. തിരുവനന്തപുരത്ത് തെരുവുനായയുടെ കണ്ണടിച്ചു പൊട്ടിച്ച കെഎസ്‌ഇബി ജീവനക്കാരന് എതിരെ പോലീസ് കേസെടുത്തു. തിരുവനന്തപുരം പട്ടം കെഎസ്‌ഇബി ഓഫിസിലാണ് സംഭവം. കെഎസ്‌ഇബി ഡ്രൈവറായ മുരളി എന്നയാള്‍ക്ക് എതിരെയാണ് കേസെടുത്തിരിക്കുന്നത്. ചൊവ്വാഴ്‌ച രാത്രി ഒന്‍പത് മണിയോടെയാണ് സംഭവം. മുരളിയുടെ ആക്രമണത്തില്‍ നായക്ക് ഗുരുതരമായി പരിക്കേറ്റു. നായയുടെ കണ്ണിന്റെ കാഴ്‌ച നഷ്‌ടമായി. പീപ്പിള്‍ ഫോര്‍ ആനിമല്‍സ് എന്ന സംഘടനയുടെ സംരക്ഷണയിലാണ് നായ ഇപ്പോള്‍.
