ലക്നൗ : ലക്നൗവില് ബിജെപി ഓഫീസിന് മുന്നില് യുവതി സ്വയം തീകൊളുത്തി ആത്മഹത്യയ്ക്ക് ശ്രമിച്ചു. വെള്ളിയാഴ്ച രാവിലെയാണ് സംഭവം. ഓഫീസിന് മുന്നിലെത്തിയ സ്ത്രീ സ്വയം തീകൊളുത്താന് ശ്രമിച്ചെങ്കിലും ഡ്യൂടിയിലുണ്ടായിരുന്ന പോലീസുകാര് അവരെ തടയുകയായിരുന്നു.
എന്നാല് ആത്മഹത്യാ ശ്രമം നടത്താനുണ്ടായ സാഹചര്യം വ്യക്തമല്ല. പോലീസ് യുവതിയെ ചോദ്യം ചെയ്യുകയാണ്. 2017-ല് ഉത്തര്പ്രദേശ് മുഖ്യമന്ത്രിയുടെ വസതിക്ക് പുറത്ത് ഉന്നാവോ കൂട്ടബലാത്സംഗത്തെ അതിജീവിച്ച ഇരയുടെ ആത്മഹത്യാ ശ്രമമാണ് ഈ സംഭവം ഓര്മപ്പെടുത്തുന്നത്.
