തിരുവനന്തപുരം : സ്വര്ണക്കടത്ത് കേസില് സംസ്ഥാന സര്ക്കാരിനെതിരെ സിബിഐ അന്വേഷണം വേണമെന്ന് ആവശ്യപ്പെട്ട് സ്വപ്ന സുരേഷ് പ്രധാനമന്ത്രിക്ക് കത്തയച്ചു. കേസില് പ്രധാന പങ്ക് വഹിച്ചത് ശിവശങ്കര് ആണെന്നും മുഖ്യമന്ത്രിക്കും കുടുംബത്തിനും സ്വര്ണക്കടത്തില് പങ്കുണ്ടെന്നും കത്തില് പറയുന്നു. രഹസ്യമൊഴിയുടെ പേരില് തന്നെയും അഭിഭാഷകനെയും എച്ച്ആര്ഡിഎസിനെയും സര്ക്കാര് നിരന്തരം ദ്രോഹിക്കുകയാണ്.
പ്രധാനമന്ത്രി ഉടന് ഇടപെടണം. പ്രധാനമന്ത്രിയെ നേരിട്ട് കാണാന് അനുമതി നല്കണമെന്നും സ്വപ്നയുടെ കത്തില് ആവശ്യപ്പെടുന്നുണ്ട്. അതേസമയം, ഗൂഢാലോചന കേസ് റദ്ദാക്കണമെന്ന് ആവശ്യപ്പെട്ട് സ്വപ്ന നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും. കള്ളപ്പണ കേസില് മുഖ്യമന്ത്രി അടക്കമുള്ളവര്ക്കെതിരെ മൊഴി നല്കിയതിലുള്ള വിരോധം കാരണമാണ് കേസെടുത്തതെന്നാണ് സ്വപ്നയുടെ വാദം.
