തിരുവനന്തപുരം : സ്വപ്ന സുരേഷ് നടത്തിയ ലൈംഗികാരോപണത്തോടെ പ്രതികരിക്കാതെ മുന് മന്ത്രി കടകംപള്ളി സുരേന്ദ്രന്. സ്വപ്ന പറഞ്ഞതിനെക്കുറിച്ച് തനിക്കൊന്നും അറിയില്ലെന്ന് കടകംപള്ളി സുരേന്ദ്രന് പറഞ്ഞു. ഒരു രാഷ്ട്രീയക്കാരനാകാന് പോലും കടകംപള്ളിക്ക് അര്ഹതയില്ലന്നും ഒരു കാരണവശാലും വീട്ടില് കയറ്റാന് കൊള്ളാത്തവനാണ് കടകംപള്ളിയെന്നും സ്വപ്ന സുരേഷ് പ്രതികരിച്ചു.
ഫോണില് കൂടി മോശമായി സംസാരിക്കുകയും ലൈംഗിക ചുവയോടെ പെരുമാറുകയും ചെയ്തിട്ടുണ്ട്. വീട്ടിലേക്ക് വരാമെന്നും ഹോട്ടലില് റൂമെടുക്കാമെന്നും പറഞ്ഞു. ലൈംഗിക ചുവയുള്ള മെസേജുകള് അയച്ചു. റൂമിലേക്ക് ചെല്ലാനായി നിര്ബന്ധിച്ചു. സാധാരണ പല സ്ത്രീകളും ചെയ്യുന്നത് പോലെ എനിക്കും ആ മെസേജുകള് ദുരുപയോഗം ചെയ്യാനും ബ്ലാക് മെയില് ചെയ്യാനും കഴിയുമായിരുന്നു. എന്നാന് ഞാനത് ചെയ്തിട്ടില്ല. പറയുന്നത് ശരിയല്ലെന്നാണെങ്കില് കടകംപള്ളി എനിക്കെതിരെ കേസ് കൊടുക്കട്ടെ.
അതല്ലെങ്കില് മാധ്യമങ്ങള്ക്ക് മുന്നില് വന്ന് സംസാരിക്കാന് തയ്യാറാകട്ടെയെന്നും സ്വപ്ന സുരേഷ് പറഞ്ഞു. ബോള്ഗാട്ടിയിലെ ഹയാത്ത് ഹോട്ടല് ഉദ്ഘാടനത്തിന് കടകംപള്ളി വന്നിരുന്നു. ഉദ്ഘാടനത്തിന് ഞാനുമുണ്ടായിരുന്നു. അവിടെവെച്ചും അപമര്യാദയായി പെരുമാറിയിട്ടുണ്ട്. ഹോട്ടലില് റൂമെടുക്കാമെന്ന് വരെ അന്ന് കടകംപള്ളി പറഞ്ഞിരുന്നു. കടംകംപള്ളിക്കെതിരെ ആ ഘട്ടത്തില് പ്രതികരിച്ചിട്ടുണ്ട്. മര്യാദയോടെ പെരുമാറണമെന്നും പറഞ്ഞിട്ടുണ്ട്. അതിന് ശേഷം എന്നോട് കടകംപള്ളിക്ക് ദേഷ്യമായിരുന്നുവെന്നും സ്വപ്ന പറഞ്ഞു.
