മുംബൈ: വിദ്യാര്ത്ഥികളുമായി അശ്ലീല വീഡിയോകോള് ചെയ്തതിന് അധ്യാപിക അറസ്റ്റില്. നവിമുംബൈയിലെ ഒരു സ്വകാര്യ സ്കൂളിലെ അധ്യാപികയെയാണ് പോക്സോ കേസില് പോലീസ് അറസ്റ്റ് ചെയ്തത്. വിദ്യാര്ത്ഥികളിലൊരാളുടെ കുടുംബം നല്കിയ പരാതിയിലാണ് പോലീസ് അന്വേഷണം നടത്തി അധ്യാപികയെ പിടികൂടിയത്. വിദ്യാര്ത്ഥികളുമായി വീഡിയോകോള് ചെയ്തിരുന്ന അധ്യാപിക, വീഡിയോകോളില് ഇവരുമായി അശ്ലീലപ്രവൃത്തികളില് ഏര്പ്പെട്ടെന്നാണ് പോലീസ് പറയുന്നത്. ഇതിനുപുറമേ വിദ്യാര്ത്ഥികള്ക്ക് തന്റെ അശ്ലീലവീഡിയോകളും അധ്യാപിക അയച്ചുനല്കിയിരുന്നതായും പോലീസ് പറഞ്ഞു.
വിദ്യാര്ത്ഥികളിലൊരാളുടെ കുടുംബമാണ് അധ്യാപികയ്ക്കെതിരേ പോലീസില് പരാതി നല്കിയത്. തുടര്ന്ന് അധ്യാപികയുടെയും വിദ്യാര്ത്ഥിയുടെയും മൊബൈല്ഫോണുകള് പരിശോധിച്ച പോലീസ് സംഘത്തിന് തെളിവുകള് ലഭിച്ചു. ഒട്ടേറെ അശ്ലീലവീഡിയോകളും ഫോണുകളില് നിന്ന് കണ്ടെടുത്തു. ഇതിനുപിന്നാലെയാണ് പോക്സോ കേസില് അധ്യാപികയെ അറസ്റ്റ് ചെയ്തത്. അതേസമയം, കൂടുതല് വിദ്യാര്ത്ഥികള് അധ്യാപികയുടെ അതിക്രമത്തിനിരയായിട്ടുണ്ടെന്നാണ് പോലീസ് നല്കുന്നവിവരം. എന്നാല്, ഇവരില്നിന്ന് പരാതിയൊന്നും ലഭിച്ചിട്ടില്ലെന്നും പോലീസ് പറഞ്ഞു.
