അടുത്തിടെ ഇന്ത്യൻ വിപണിയിലെത്തിയ ബജറ്റ് സ്മാർട്ട്ഫോണുകളാണ് റെഡ്മി 12 സീരീസ് (Redmi 12 Series). ഈ സീരീസിൽ റെഡ്മി 12, റെഡ്മി 12 5ജി എന്നീ ഫോണുകൾ ഉൾപ്പെടുന്നു. ആഗസ്റ്റ് 1ന് ലോഞ്ച് ചെയ്ത ഫോണുകളുടെ ആദ്യ വിൽപ്പന ആഗസ്റ്റ് 4നാണ് നടന്നത്. വിൽപ്പനയുടെ ആദ്യ ദിവസം തന്നെ ഈ ഫോണുകൾ വലിയൊരു നേട്ടം സ്വന്തമാക്കിയിരിക്കുന്നു. ഒരു ദിവസത്തിൽ 3 ലക്ഷം യൂണിറ്റ് വിൽപ്പന എന്ന നേട്ടമാണ് റെഡ്മി 12 സീരീസ് ഫോണുകൾ നേടിയത്. ആകർഷകമായ സവിശേഷതകളുമായിട്ടാണ് ഈ വില കുറഞ്ഞ സ്മാർട്ട്ഫോൺ വരുന്നത്.
വർഷങ്ങളായി ഇന്ത്യയിലെ സ്മാർട്ട്ഫോൺ വിപണിയിൽ റെഡ്മി ഫോണുകൾക്കുള്ള ജനപ്രിതി വ്യക്തമാക്കുന്നതാണ് റെഡ്മി 12 സീരീസ് ഫോണുകളുടെ ആദ്യ ദിവസത്തെ വിൽപ്പന. കുറഞ്ഞ വിലയിൽ മികച്ച സവിശേഷതകൾ നൽകാൻ ശ്രദ്ധിക്കുന്ന റെഡ്മിയുടെ പുതിയ രണ്ട് ഫോണുകളും ക്യാമറ, ഡിസ്പ്ലെ, കണക്റ്റിവിറ്റി, ബാറ്ററി തുടങ്ങിയ കാര്യങ്ങളിലെല്ലാം മികവ് പുലർത്തുന്നുണ്ട്. ഫ്ലാഗ്ഷിപ്പ് ഗ്രേഡ് ക്രിസ്റ്റൽ ഗ്ലാസ് ബാക്ക് ഡിസൈനും മികച്ച പെർഫോമൻസും ബജറ്റ് സെഗ്മെന്റിൽ നൽകുന്നു നൽകുന്നു എന്നതാണ് ഈ ഫോണുകളുടെ പ്രത്യേകത.
റെഡ്മി 12 4ജി, റെഡ്മി 12 5ജി എന്നീ സ്മാർട്ട്ഫോണുകൾ ഇപ്പോൾ ആകർഷകമായ ഓഫറുകളോടെ ലഭ്യമാണ്. റെഡ്മി 12 4ജിയുടെ 4ജിബി റാമും 128 ജിബി സ്റ്റോറേജുമുള്ള വേരിയന്റിന് 8,999 രൂപയാണ് വില. ഫോണിന്റെ 6 ജിബി റാമും 128 ജിബി സ്റ്റോറേജുമുള്ള വേരിയന്റിന് 10,499 രൂപ വിലയുണ്ട്. റെഡ്മി 12 5ജി സ്മാർട്ട്ഫോണിന്റെ 4 ജിബി റാമും 128 ജിബി സ്റ്റോറേജുമുള്ള വേരിയന്റിന് 10,999 രൂപയാണ് വില. 6 ജിബി റാമും 128 ജിബി സ്റ്റോറേജുമുള്ള റെഡ്മി 12 5ജിക്ക് 12,499 രൂപയും 8 ജിബി റാമും 256 ജിബി സ്റ്റോറേജുമുള്ള വേരിയന്റിന് 14,499 രൂപയുമാണ് വില.
ലഭ്യത
റെഡ്മി 12 4ജി സ്മാർട്ട്ഫോണിന്റെ വിൽപ്പന നടക്കുന്നത് എംഐ.കോം, ഫ്ലിപ്പ്കാർട്ട്, എംഐ ഹോം, എംഐ സ്റ്റുഡിയോ എന്നിവ വഴിയാണ്. റെഡ്മി 12 5ജി സ്മാർട്ട്ഫോണിന്റെ വിൽപ്പന ആമസോൺ, എംഐ വെബ്സൈറ്റ്, എംഐ ഹോം, എംഐ സ്റ്റുഡിയോ എന്നിവ വഴി നടക്കുന്നു. ആകർഷകമായ ഓഫറുകളും ഈ സ്മാർട്ട്ഫോണുകൾ വാങ്ങുന്ന ആളുകൾക്ക് ലഭിക്കുന്നു. തിരഞ്ഞെടുത്ത ബാങ്ക് കാർഡുകളിൽ കിഴിവുകൾ, എക്സ്ചേഞ്ച് ബോണസ് എന്നിവയാണ് പ്രധാന ഓഫറുകൾ.
ഓഫറുകൾ
ഐസിഐസിഐ ക്രെഡിറ്റ്, ഡെബിറ്റ് കാർഡുകൾ ഉപയോഗിച്ച് റെഡ്മി 12 4ജി, റെഡ്മി 12 5ജി സ്മാർട്ട്ഫോണുകളുടെ 4 ജിബി വേരിയന്റ് വാങ്ങുമ്പോൾ 1000 രൂപ ഇൻസ്റ്റന്റ് ഡിസ്കൌണ്ട് ലഭിക്കും. നിലവിലുള്ള ഷവോമി ഉപയോക്താക്കൾക്ക് റെഡ്മി 12 4ജിയുടെ 4 ജിബി വേരിയന്റിൽ 1000 രൂപ എക്സ്ചേഞ്ച് ബോണസും ലഭിക്കും. റെഡ്മി 12 4ജിയുടെ 6 ജിബി വേരിയന്റും റെഡ്മി 12 5 ജിയുടെ 8 ജിബി വേരിയന്റും വാങ്ങുന്ന ആളുകൾക്ക് 1000 രൂപ അധിക കിഴിവായും ലഭിക്കും.
സവിശേഷതകൾ
ക്വാൽകോം സ്നാപ്ഡ്രാഗൺ 4 ജെൻ 2 5ജി ചിപ്പ്സെറ്റുമായി വരുന്ന ഇന്ത്യയിലെ ആദ്യത്തെ സ്മാർട്ട്ഫോണാണ് റെഡ്മി 12 5ജി. വേഗതയേറിയ കണക്റ്റിവിറ്റിയും 5ജിയുടെ മുഴുവൻ സാധ്യതകളും ലഭ്യമാക്കുകയും ചെയ്യാൻ ഈ ഫോണിന് സാധിക്കും. 50 എംപി പ്രൈമറി ക്യാമറ, 5000 എംഎഎച്ച് ബാറ്ററി, 6.79 ഇഞ്ച് FHD+ ഡിസ്പ്ലേ എന്നീ സവിശേഷതകളാണ് റെഡ്മി 12 സീരീസിലെ രണ്ട് ഫോണുകളിലുമുള്ളത്. ഈ ഫോണുകൾ തമ്മിലുള്ള പ്രധാന വ്യത്യാസം കണക്റ്റിവിറ്റിയുടെ കാര്യത്തിൽ മാത്രമാണ്.
