ബംഗളൂരു: പ്രതിശ്രുത വരന്റെ കഴുത്തില് കത്തികൊണ്ടു കുത്തിയ പതിനേഴുകാരി പോലീസ് കസ്റ്റഡിയില്. റീല് നിര്മ്മിക്കാനെന്ന വ്യാജേനെയാണ് പ്രതിശ്രുത വരന്റെ കഴുത്തില് കത്തിയത്. കര്ണാടകയിലെ റാണബെന്നൂര് നഗരത്തിലെ ഓം പബ്ലിക് സ്കൂളിന് സമീപത്താണ് സംഭവം. ദേവേന്ദ്ര ഗൗഡ എന്ന യുവാവിനാണ് കുത്തേറ്റത്. സാരമായി പരിക്കേറ്റ യുവാവിനെ സ്വകാര്യ ആശുപത്രിയില് പ്രവേശിപ്പിച്ചു.
പെണ്കുട്ടി മറ്റൊരാളുമായി പ്രണയത്തിലായിരുന്നു. മാര്ച്ച് മൂന്നിന് പെണ്കുട്ടിയും യുവാവും തമ്മിലുള്ള വിവാഹം നിശ്ചയിച്ചിരുന്നു. അതിന് ശേഷം യുവാവിനെ ഇല്ലാതാക്കാന് പെണ്കുട്ടി തീരുമാനിച്ചു. ഇതിന്റെ ഭാഗമായി ഗൗഡയെ ഒരു പാര്ക്കിലേക്ക് ക്ഷണിക്കുകയും താന് ഒരു സമ്മാനം നല്കാന് ആഗ്രഹിക്കുന്നതായി പറയുകയും ചെയ്തു. പറഞ്ഞതുപോലെ സമ്മാനം വാങ്ങാനായി യുവാവ് പാര്ക്കിലെത്തി. യുവാവിന്റെ കൈ കെട്ടിയിട്ട പെണ്കുട്ടി കണ്ണ് അടയ്ക്കാന് ആവശ്യപ്പെട്ടു. തുടര്ന്ന് കൈയില് കരുതിയ കത്തിയെടുത്ത് യുവാവിന്റെ കഴുത്തില് കുത്തുകയായിരുന്നു.
