തിരുവനന്തപുരം : മുതിര്ന്ന കോണ്ഗ്രസ് നേതാവ് തലേക്കുന്നില് ബഷീര് (77) അന്തരിച്ചു. വെമ്പായത്തെ വസതിയിലായിരുന്നു അന്ത്യം. ഹൃദ്രോഗത്തെ തുടര്ന്നു കഴിഞ്ഞ അഞ്ച് വര്ഷമായി വിശ്രമത്തിലായിരുന്നു. പാര്ലമെന്റ് മുന് അംഗവും മുന് എംഎല്എയുമായിരുന്നു ബഷീര്. 1984ലും 1989ലും ചിറയിന്കീഴില്നിന്നും അദ്ദേഹം ലോക്സഭയിലെത്തിയത്. 1977ല് കഴക്കൂട്ടത്തുനിന്നും വിജയിച്ച് ബഷീര് നിയമസഭയിലെത്തി. പിന്നീട് എ.കെ. ആന്റണിക്ക് മുഖ്യമന്ത്രിയാകാന് എംഎല്എ സ്ഥാനം രാജിവെച്ചു. ഇതിനുശേഷം രാജ്യസഭംഗമായും അദ്ദേഹം പ്രവര്ത്തിച്ചു.
കെഎസ്യു തിരുവനന്തപുരം ജില്ലാ പ്രസിഡന്റ്, യൂത്ത് കോണ്ഗ്രസ് സംസ്ഥാന ജനറല് സെക്രട്ടറി, കെപിസിസിയുടെ നിര്വാഹക സമിതി അംഗം, തിരുനന്തപുരം ഡിസിസി പ്രസിഡന്റ്, കെപിസിസി ജനറല് സെക്രട്ടറി, കെപിസിസി വൈസ് പ്രസിഡന്റ്, കെപിസിസി ആക്ടിംഗ് പ്രസിഡന്റ്, പ്രേംനസീര് ഫൗണ്ടേഷന്റെ ചെയര്മാന് തുടങ്ങിയ പദവികള് അദ്ദേഹം നിര്വഹിച്ചിട്ടുണ്ട്. പരേതയായ സുഹ്റയാണ് ഭാര്യ. പ്രേംനസീറിന്റെ സഹോദരിയാണ് സുഹ്റ ബഷീര്.
