പത്തനംതിട്ട : തനിക്കു പുതിയ ജീവിതം നല്‍കിയ സംസ്ഥാന സര്‍ക്കാരിനോട് നന്ദി പറയുവാനായി പന്തളം സ്വദേശി ടി.ആര്‍ ചിന്മയ് നവകേരള സദസിലെത്തി. ഹൃദ്യം പദ്ധതിയില്‍ ഹൃദയം മാറ്റിവെച്ച ജില്ലയിലെ ആദ്യ ഗുണഭോക്താവാണ് അഞ്ചാം ക്ലാസ് വിദ്യാര്‍ഥിയായ ചിന്മയ്. സംസ്ഥാനസര്‍ക്കാരിന്റെ വികസനക്ഷേമപദ്ധതികള്‍ വിശദീകരിക്കാനും ജനങ്ങളുടെ പ്രശ്നങ്ങള്‍ ചോദിച്ചറിയാനും വേണ്ടി
മുഖ്യമന്ത്രി പിണറായി വിജയനും 20 മന്ത്രിമാരും ജനങ്ങള്‍ക്കു മുന്നിലെത്തുന്ന നവകേരളസദസിന്റെ പത്തനംതിട്ട സെന്റ് സ്റ്റീഫന്‍സ് ഓഡിറ്റോറിയത്തില്‍ നടന്ന പ്രഭാത യോഗത്തിലാണ് ചിന്മയും കുടുംബവും തങ്ങളുടെ നന്ദി അറിയിക്കാനെത്തിയത്. പദ്ധതിയില്‍ ഉള്‍പ്പെടുന്ന കുട്ടികളുടെ ചികിത്സയും ഹൃദയ ശസ്ത്രക്രിയയും പൂര്‍ണമായും സര്‍ക്കാര്‍ ചെലവില്‍ തന്നെ നടത്തുന്ന പദ്ധതിയാണ് ഹൃദ്യം. ചികിത്സക്കു ശേഷവും സര്‍ക്കാര്‍ കുട്ടികളുടെ ആരോഗ്യത്തെപ്പറ്റി അന്വേഷിക്കുന്നുണ്ടെന്നും മകന്‍ ഇപ്പോള്‍ പൂര്‍ണ ആരോഗ്യവാനാണെന്നും പിതാവ് രാജേഷും അമ്മ അമ്പിളിയും ഒരേ സ്വരത്തില്‍ പറയുന്നു. ആരോഗ്യ മന്ത്രി വീണാ ജോര്‍ജിനോടൊപ്പം പ്രഭാത ഭക്ഷണവും കഴിച്ചാണു ചിന്മയ് മടങ്ങിയത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
