പത്തനംതിട്ട : ജില്ലാ ശിശുക്ഷേമ സമിതിയുടെ പ്രവര്‍ത്തനങ്ങള്‍ കൂടുതല്‍ ഊര്‍ജിത മാക്കുന്നതിന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ എഡിഎം ബി. രാധാകൃഷ്ണന്റെ അധ്യക്ഷതയില്‍ ചേര്‍ന്ന ജില്ലാ ശിശുക്ഷേമ സമിതി വാര്‍ഷിക ജനറല്‍ ബോഡി തിരുമാനിച്ചു. ജീവകാരുണ്യ അവബോധമുള്ള സുമനസുകളുടെ യോജിച്ച പ്രവര്‍ത്തനത്തിലൂടെ സമൂഹത്തില്‍ ഗുണപരമായ മാറ്റങ്ങള്‍ ഉണ്ടാക്കുകയാണ് ലക്ഷ്യം. കുട്ടികള്‍ക്ക് എതിരായ പീഡനങ്ങളും അതിക്രമങ്ങളും തടയുന്നതിനും സുരക്ഷിതത്വം ഉറപ്പുവരുത്തുന്നതിനുമുള്ള തണലിന്റെ 1517 എന്ന ടോള്‍ഫ്രീ നമ്പരില്‍ ജില്ലയില്‍ 108 പരാതികള്‍ ലഭിച്ചു.
കൃത്യമായ ഇടപെടലിലൂടെ സി ഡബ്ല്യു സി, പോലീസ് എന്നിവയുടെ സഹായത്തോടെ ഇവയ്ക്ക് പരിഹാരം കണ്ടു. ഓമല്ലൂരിലെ ജില്ലാ ശിശുക്ഷേമ സമിതിയുടെ ശിശുപരിപാലന കേന്ദ്രത്തില്‍ ഇതുവരെ 89 കുഞ്ഞുങ്ങളെ സി ഡബ്ല്യു സി ഉത്തരവുപ്രകാരം പരിപാലിച്ചിട്ടുണ്ട്. നിലവില്‍ അഞ്ച് ആണ്‍കുട്ടികളും എട്ട് പെണ്‍കുട്ടികളും ഇവിടെ വളരുന്നു. കഴിഞ്ഞ ഒരുവര്‍ഷക്കാലയളവില്‍ നാലു കുഞ്ഞുങ്ങളെ ദത്ത് നല്‍കി. എട്ടു കുട്ടികളെ ഫോസ്റ്റര്‍ കെയറിന് അയച്ചു.
വാടകകെട്ടിടത്തില്‍ പ്രവര്‍ത്തിക്കുന്ന ഈ കേന്ദ്രത്തെ മികച്ച സെന്ററാക്കി മാറ്റുകയാണ് ലക്ഷ്യം. പത്തനംതിട്ട ജനറല്‍ ആശുപത്രി അങ്കണത്തില്‍ സ്ഥാപിച്ചിട്ടുള്ള അമ്മത്തൊട്ടിലില്‍ 18 കുഞ്ഞുങ്ങളെ ലഭിച്ചിട്ടുണ്ട്. 17 കുഞ്ഞുങ്ങളെയും സംസ്ഥാന സമിതി ഏറ്റെടുത്തു. ഒരു കുഞ്ഞിനെ ഓമല്ലൂരിലെ ശിശുപരിപാലനകേന്ദ്രത്തിന് കൈമാറി.
ശിശുപരിപാലന കേന്ദ്രം നിര്‍മിക്കുന്നതിന് സ്ഥലം ലഭ്യമാകുന്ന മുറയ്ക്ക് ജനപ്രതിനിധികളുടെ വികസനഫണ്ട്, സിഎസ്ആര്‍ഫണ്ട്, സംഭാവനകള്‍ എന്നിവ സമാഹരിക്കും. 14286073.68 രൂപ വരവും 8397520 രൂപ ചെലവും 5888553.68 രൂപ മിച്ചവും പ്രതീക്ഷിക്കുന്ന ബജറ്റ് ട്രഷറര്‍ എ.ജി. ദീപു അവതരിപ്പിച്ചു. 2022-23 വാര്‍ഷിക റിപ്പോര്‍ട്ട് ശിശുക്ഷേമ സമിതി സെക്രട്ടറി ജി. പൊന്നമ്മയും അവതരിപ്പിച്ചു.
വൈസ് പ്രസിഡന്റ് ആര്‍. അജിത്കുമാര്‍, ജോയിന്റ് സെക്രട്ടറി സലിം പി. ചാക്കോ, ഏക്‌സിക്യൂട്ടിവ് അംഗങ്ങളായ സുമ നരേന്ദ്ര, റ്റി. രാജേഷ്‌കുമാര്‍, വനിത ശിശുക്ഷേമ ഓഫീസ് സുപ്രണ്ട് ജി. സ്വപ്ന മോള്‍, ഡോ. കെ.കെ. ശ്യാംകുമാര്‍, ദത്തെടുക്കല്‍ കേന്ദ്രം മാനേജര്‍ ചന്ദ്രിക മുകുന്ദന്‍, മുന്‍ എംഎല്‍എ മാലേത്ത് സരളാദേവി, കലാനിലയം രാമചന്ദ്രന്‍നായര്‍, സി.ആര്‍. കൃഷ്ണക്കുറുപ്പ്, എം.കെ. വാസു, ജി.കൃഷ്ണന്‍നായര്‍, ശാന്തി മോഹന്‍, രാജന്‍ബാബു, പി.ജെ. ജോണ്‍സണ്‍, എസ്. രാജേശ്വരന്‍ തുടങ്ങിയവര്‍ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
